بسم الله علي ... حلمت اني بنت .... الله لايقولها ((( الجزء الثالث والاخير )))

نكمل الجزء الثالث من الكابوس

وصلنا الجزء الثاني يوم انا في الكليه

المهم

في الكلية عاد قلت لازم اثبت وجودي … وجاء ذاك اليوم ويجي دكتور يحاضر بالشبكة وأنا كل ما طلع هالدكتور في الشبكة قعدت اصارخ ( أموت فيه ) على بالي مغرمة .. والله ما أحد عبرني …

واعدت أخوي يجي يا خذني مبكرة .. ومع الزحمة ركبت مع واحد يالغلط ..
قالي يا خاله تراك غلطانة … تخلخلت عظامه .. ليته ساكت ولا علمني ( مطفوقه ) ..

خلصت الدراسة وتخرجت قلت ما فيه أمل اعرس الا إذا صرت مدرسة …

وذاك اليوم وأنا أتسمع إلا أبوي دخل البيت وقاعد يكلم أمي ..وبشويش … ترى فيه ناس بيجون بكرة على شان يشوفون ….
أنا سمعت يشوفون … قلت لازم أصير رومانسية مثل الأفلام .. وأركض لغرفتي .. أصك الباب بقوة … وأنسدح على المطرحة ( فراش ) ما عندي سرير وأمسح خشمي .. طالعتني أختي وقالت مو الخشم الدموع اللي تنمسح .. واقعد عند المراية من سمعت الخبر وهات يا بروفات .. لزوم الملح .. ويوم كامل تزبرق … وعطورات …
ويوم جوا اللي يقولون عنهم صاروا بيشترون البيت وجايين يشوفونه

أصلا أنا ما أبي أعرس …

تعينت في مدرسة بعيدة وصرت أروح في باصات نقل المعلمات … وكل ما قعدت جنب وحده تسد خشمها … ما ادري ليش يعني خلاص الوحده إذا صارت متينه شوي .. طلّعوا عليها أشياء .. يعني حتى الريحة ما أشمها .. بس يألفون …
قلت الظاهر مهوب ما خذني الا ابو علي سواق الباص … صح عنده حرمتين وعمره 55 سنه بس مملوح …

وكل ما طالعني ابو علي في المراية الا وانا اطالعة ويتبسم … آه يالحب قمت أرتعش .. وقلبي يقرقع …وأتلعثم وأعضض غطوتي … من الحياء … هو الحب كذا وانا ما ادري .. وااااوه ما دريت عنه .. عاد أنا ودي أسأله الف سؤال .. بس ما يطاوعني قلبي يقرقع …

جاء يوم وقلت بنفرد ببو علي على شان أشوفه زين ..وتواعدت أنا وهو .. وجلسنا سواء .. وندردش …. وقام ابو علي يقرب وأنا أقرب … وموسيقى هادية (مشغل بشير شنان )ومطر خفيف .. وصوت طيور …وأسمع شلالات … قرب من وجهي قال … وععععععععععععععع

عاد من زين وجه

وقمت من النوم بسم الله علي
اشوى ما صار شي ورحنا فيها ......

وبكذا خلص الكابوس الي مدري وش اسمه

وسلامتكم

as) [c]

طيب ليه كذا hhr)

هو ودكم ايود بكم عبى هذا as)

كويس انه طلع حلم

تصدق حلوووووووو

حلم كومدي

يعطيك العافية


ولا اوصيك نبغى حلم حق عيد او اي شي جديد


تحياتي

حلوه مجروح ....لكن صدقني لو قا بلتني في الحلم كنت تزوجتك ... على الأقل شباب واسمع مايا نصري....

لا عاد اما الجز الاخير كبرت
هههههههه
ياخي ما نصحتك لا عاد تكمل دراسه

بس اشوى طلع كابوس

الله يرج ابليسك

المسكت

مفارق الخلان
ولا يهمك خل يجي الفطر
واكبسها لك في الغداء
وبعدها نومه
فحلم
فاجي المنتدى
فاكتبهas)

ولدالفجيه
احسن تسمع مايا نصري

اقول ترى سعيدة
ما تحب الا بشير وعيسى وطاهر

هذا هم شروطها

ههههههههههههههااااااااي

لك شو هالفن يامرجوج خلاص ابيك تألف لي مسلسل
ابي اصير ممثله اوكي؟؟

انتظر النص منك
لا تتأخر

اوووووووش

صدق انك مرجوج

تحياتي لك واتمنى لك احلاماً سعيدة يا مرجوج
?

هلا ام تشويش
امحق والله من ممثلة
عز الله فلست قناة بتاخذ مسلسلك
بس ولا يهمك في راسي موال
قريب بغنية اصبري لي بس

حيا الله ابو عدي
يا خي مدري وش فيه اسمك يخرع
واحذرني واحذرك لا باقي تكثر في العيشة
وبعدين ترقد
ترى يصير لك ما صار لي
as)