بسم الله علي ... حلمت اني بنت .... الله لايقولها

امس نمت االفجر وانا مالي بطني من الأكل .. الا واحلم ذاك الحلم أشوى اللي طلع مهوب صدق بسم الله علي حلمت أني بنت ..
سميره (( بس غامق )) وشعري الله الله يا كافي وش نعمه إذا صب عليه ماء ما يبن عليه .. ناشف كل صاير سبرنقات من النوع الاصلي اللي تمقطه ويرجع ماكن شي صار … وعمري اربع سنوات ومدلعة أسمي ( سعيده) وكل شي ابغاه على طول ينفذ.. ومرت سنة ( كانت سنه حلوه مرره ) ودخلوني أهلي المدرسة يوووووه كل يوم أقوم الصبح ما ابغي كل يوم … وأمي تكد شعري بمشط وانكسر المشط … وشرينا فرشة حديد أصلي .. . وجاني هدية كريم شعر [اللي في علبه غطاها أسود] وهات يا دهن على شان ينعم وكل شوي تنشب الفرشة في شعري وأمي تقلب الفرشة وتصفقني بالفرشة مقلوبة أي أي أي خلاص ما ابغي ادرس لازم كد شعر ما ابغي … وأمي تقول تروحين تدرسين غصب من وراء خشمك تبين سعدى تسبقك في الدراسة … ويقولون بنتهم ساقطة …

وأنا اخاف تسبقني سعدى وتعيرني أنها أحسن مني … يمه جاء التوبيس بروح

أمي : اصبري شوي شعرك يلمع من الكريم إذا رجعتي بيجمع الغبار
أنا : لا تخافين ما فيه غبار بس عطيني الفسحة …
رحت المدرسة وكل البنات يخافون مني على شاني دبا شوي …وحده من بنات الفصل أكبر مني تقعد تمعّط شعور البنات ومعطت شعري وانجرحت يدها ( ترى مو من الشعر ) وراحت للأبلا وهاوشتني الأبلا وقالت انتبهي للشعرك

وكل يوم أرجع من للبيت وشعري فيه اشياء تنشب مع الهواء ما ادري ليش
كبرت وخلصت السادسة .. ورحت للمتوسطة( عمرو بن العاص ) يوم جت الدراسة لقيتها مدرسة عيال درست أول يوم وصاروا يسموني عيال الفصل أبو ليفة … ( على شانهم يقولون أنهم يطلعون الليف من شعري ) نقلوني أهلي لمدرسة بنات ( التاسعة والتسعون بعد التسعمائة )

جت أمي على شان تفتك من كد شعري كل يوم .. وحلقتني (كابوريا )

يوم رحت للمدرسة تغطوا عني المدرسات …
صرت ألبس ( شراب ) لونه أبيض … جت عندي بنت وقالت أموت يا متعصب لنادي الشباب ….
وقلت لأمي ما عاد ابغاه البنات يضحكون علي …!! قالت زين

قلت لأمي ليش ما أحط كريم أساس على شان اطلع بيضا مثل البنات .. حطيته ولا نفع صرت شهباء لهبا …ضحكوا علي البنات وقالوا كأنك ككاو معغن ( منتهيه مدته ) قدييييم .. as)

وفي ثاني ثانوي طحت في المغازل والعطور … وش زودي كل البنات يغازلن … بس عجزت ألقا واحد يرقّم … ما عندهم ذوق … وكل وحده من زميلاتي تسألني … لك صديق .. عاد أنا اقول أصلا مانيب راعية هالحركات … وهم عارفيني ما اخلي راعي سيارة الا واتميلح عنده … ويقول ( يالسوداء ) وخري كأنك كفر تريكه مبنشر … as)

واطيح في صورة وائل كفوري … وأنا ما ادري منهو واقعد أقهر البنات شفتوا صورة صديقي … البنات خلينا نشوفه … عاد انا اتدلع اقول منيب … ووريتهم الصورة … قعدوا يضحكون علي … ( وانا وش يدريني ما عندنا دش )


هذي ايام الثانويه تعبت بعدين اكملكم وش سويت في الكليه as)