مجارة لقصيدة الطله اللي لوعتني وباجنان

اعتذر ان حصول اي قصور ولكن من باب مجارات القصايد الجميله طرحت هذه المجاراه المتواضعه واتمنى ان تحوز على رضاكم.....

السر مدفونٍ ولا شفت له حل = وشهي النصيحة قدموها بالأثمان
أكتب وهو يقرا ومن كثرها طل = الطلة اللي لوعتني وباجنان
يا زين قولة جيت خايف ومنسل = لني عليك اليوم هايم وشفقان
أهديه أنا قلبي وله وردة الفل = تسحرني الكلمة وذوقٍ عذيبان
قمت أتشوق له ولا خاطري مل = تعسفني الذكرى وقلبي عسيفان
الورد له رونق وطيفٍ ولو هل = أكيد له عودة وطلة ويزدان

الرد:

وش قصتك يا ابو البخت وش معك قل= ودي تعلمني ولي في الهوى شان
ان كان قلبك من هوى الغيد منعل= اصبر على حظك ودندن بالالحان
جيت اوصف علاجي وقمت اتكلكل= هاضت علي علوم مهره له زمان
ام العيون السود سادة على الكل= بسبابها شفت القمر يوم زعلان
هذي فعول العشق وان جار فمهل=عل الليالي المقبله سعد واحسان
احسان من مثلك فعوله تجمل=واجب على صاحبك واحلف بالايمان