السر مدفونٍ ولا شفت له حل = وشهي النصيحة قدموها بالأثمان
أكتب وهو يقرا ومن كثرها طل = الطلة اللي لوعتني وباجنان
يا زين قولة جيت خايف ومنسل = لني عليك اليوم هايم وشفقان
أهديه أنا قلبي وله وردة الفل = تسحرني الكلمة وذوقٍ عذيبان
قمت أتشوق له ولا خاطري مل = تعسفني الذكرى وقلبي عسيفان
الورد له رونق وطيفٍ ولو هل = أكيد له عودة وطلة ويزدان

وش قصتك يا ابو البخت وش معك قل= ودي تعلمني ولي في الهوى شان
ان كان قلبك من هوى الغيد منعل= اصبر على حظك ودندن بالالحان
جيت اوصف علاجي وقمت اتكلكل= هاضت علي علوم مهره له زمان
ام العيون السود سادة على الكل= بسبابها شفت القمر يوم زعلان
هذي فعول العشق وان جار فمهل=عل الليالي المقبله سعد واحسان
احسان من مثلك فعوله تجمل=واجب على صاحبك واحلف بالايمان

المشاركة الأصلية كتبت بواسطة ابو ريان (المشاركة 417814) فارس بني عمرو .. أنت لم تجاري القصيدة فقط أنت قدمت الروعة وفنونها بهذا الرد .. صح لسانك والله يعطيك العافية .. لك التقدير ..

المشاركة الأصلية كتبت بواسطة بعد نظر (المشاركة 417824) فارس بني عمرو .. صح لسانك والله يعطيك العافية .. لك التقدير ..

المشاركة الأصلية كتبت بواسطة ظــافـر الـعـمـري (المشاركة 417928) فارس بني عمرو مجاراه جميله ورائعه الله يعطيك العافيه يالغالي تقبل تحياتي واحترامي اخوك ظافر العمري

المشاركة الأصلية كتبت بواسطة المسكت (المشاركة 418003) فارس بني عمرو يكفينا ذلك الاحساس داخلك والذي دعاك للمجاراه بمشاعرك دمت نقياً وكلكم ذوووق انت وابو ريان لاخلا ولاعدم ولاعدمناكم اخووك