مغــرور

انا ماغــرني طولي ولا حـتى نســب جدي= بري مـن تهمـة المغرور والتهمه من أحـبابي
انا مـثل البشـر عـادي بقـايا انسـان منهدي=لبست الحزن مـن صغـري وهمـي زين ثيابي
شـربت اللي بعد محد(ن) شرب قبلي ولا بعدي=مرارة وقـت من كاس السـنين وطاب مشرابي
أكـلت أكبر مـصايب جـابهت قلبي على كبدي=تعلـمت التـعب وانا صـبي مقبل على أتـعابي
يقـول الله فـي آيـاته العظـمى كـفر عـبدي=وانا اللي أغفـر اذنـوبه الـى تاب وطرق بابي
وانا وقـت الصـغر مافـارقت سـجادتي يدي=الـين اليـوم وانـا عـابد(ن)ربـي وطـلابي
غنـاي وراس مالي طايع(ن) ربي على وعدي=ولامره شـعرت الا مثل ناســـي وأصحابي
عرفت ان الزمن والوقت واحبابي سوا..ضدي=انا في نظـرة الجـاهل خفـي والناس تغتابي
لقـيت اللـي أحبه واذرف الدمـعه على خدي=علـشانه ومـن شانه تركـت الاهـل واقرابي
مـناي انسـى سنين الهم وانسى بالهوى جهدي=ومـاقد شـاب له راسي قدر في صفحة كتابي
بذلـت الروح والغايه على قدري وعلى عهدي=ولاحـاولت ابعد عـن هوى روحي بالاسبابي
أحـبه حـب واهديله تعب روحي..جنى ودي=اسافرلـه وقلبي عـالق بروحـه الى غـابي
منـسيني زمـان المـر ماقلت الزمـن ردي=فرحـت بفـرحته لـيّه وغنـيت وتغنى بي
وقـال انـي مـعه مغرور بافعالي ومن قدي=صُـدمت وشـبّت الدنـيا بقلـبي نـار شبابي
سمـع هـرج العـذول ولافهم قولي ولاقصدي=وصـار العـاذل الصـادق وانـا لاقـلت كذابي
تـرى الانـسان آخر دنيته حفره من اللحدي=ولاينغر الا مـن نسـى قـبره مـــن ترابي
دخـيلك لاترجـعني زمـان قد مضى بعدي=انا تكفيني اسباب(ن) جناها حضرة اجنابي

هذا من نظمي أتمنى إن ينال الرضى ...


ودمتم في رعاية الله وحفظه

برق الساحل والنعم فيك شاعر واعد

وفقك الله وننتظر منك الكثير.....عذب

برق الساحل

يا هلا وغلا
صح لساانك يا غالي
والله يعطيك العافيه
قصيدة رائعه كروعة تواجدك المميز
ننتظر جديدك العذب
تقبل أطيب التحايــا

ماعليك زود أخي

بالفعل أنت عذب السجايا ... ياطيب المحيا

سعدت وتشرفت بمرورك




ودمت سالماً معافا

أخي / سيف العرب


صح بدنك ياعزيزي .. والروعة والجمال في نبض حروفك المتألقه



تشرفت بمرورك وتواجدك الرحب

صح لساانك يا غالي
والله يعطيك العافيه

أقول رائع بكل المقاييس .. فلله درك ..

مبدع .. الله يعطيك العافية ..

تميّز جميل جداً في الطرح .. أعجبني أسلوب القصيدة وتسلسل

مفرداتها ومعانيها ..

لك التحية ..

شئ
جميل
جدا
جدا
ورائع
جدا
جدا

الله يعافيك أخوي فيصل ..


ولاعدمت هذا التواجد الرحب

أخي / أبو ريــــــــــــان


هلا وغلا فيك أخوي

يشرفني مرور أمثالك الذين أعتز باقلامهم دوماً ..

شكراً لك على الإطراء وعلى المرور المشرف

أخي / راجي الوصـــــــــــل

الروعة والجمال

في روحك الطيبه

وقلمك الوهاج يارايع