بمناسبة اليوم الوطني للمملكة العربية السعودية

كل المعاني السامية قد تجلت=باعظم بطولة قادها الصقر شيهان
عبدالعزيز بهمةٍ قد تعلت=صمّم على حلمه وحققه مالان
دخل رياض العز من بعد ملّت=فراق سادتها وهو حيل عطشان
واقبل لها خاطب وهي له تحلت=يدفع لها مهر ٍ تغلى بالاثمان
مهره لها جد ٍ وروح ٍ تملت=عزم ٍ وتصميم ٍ ومجهودْ وإيمان
ورحبت بالشيخ حب ٍ وهلت=وصارت لذاك الصقرمربع وميطان
وعاشت بظله وافية ما تخلت=تحفظ له المعروف لو طالت ازمان
نفسه عزيزة ما حصل يوم كلّت=ايلين وحدها بتوفيق رحمان
وصارت بلادْ موحدة واستقلت=عن كل ضيمْ وعاشت بعزْ وامان
وشفنا السعادة والمسرات حلت=وصرنا بفضل الله في وضع الاخوان
من عقب تشتيتٍ وحربٍ تصلت=وظلم ٍ وتشريد ٍ وقتل ٍ وعدوان
عشنا الحضارة والجهالات ولّت=والنهضة العظمى على كل ميدان
مصانع ٍ قامت وفيها استظلت=بيض السحاب اللي لها فوق عـُـلوان
والجامعات بكل الارجا تعلت=منها تخرج كل عالم وفهمان
والا المدارس يوم بالنور شلت=الناس من جهل ٍتأصّل بالابدان
وعندنا القوات بالنصر خلّت=المعتدي يرجع ذليل ٍ وخسران
يافخرنا يوم المطاليق سلّت=سيوفها اللي حطمت كل شيطان
بالمملكه كل المخاليق صلّت=حمد ٍ لمن قيّض لنا ذاك الانسان
عبد العزيز اللي له الكود ذلّت=ايلين وصّل حدها حد نجران

ــــــــــــــــــــــــــــــــــــــــــــــــــ ـــــــــــــــــــــــــــــــــــــ
( أرجو تثبيت القصيدة . . . إن كانت تستحق)

أي والله إلا تستحق وتستحق وتستحق

أرجو من مشرف الصفحة تثبيت القصيده وله منا الشكر

لا فض فوك ياراجي الوصل

وشاعر الحب والمناسبات

وشاعر اصدق واعذب الكلمات

أخوك / ابو احمد

راجي الوصل شاعر عذب .. يحضر دائماً في الموعد ..

مبدع جداً .. صاحب كلمة راقية ..

يتملكنا احساس جميل أثناء القراءة لعدد من الشعراء أحد هؤلاء

راجي الوصل .. فصح الله لسانه..

كل المعاني الساميـة قـد تجلـت
باعظم بطولة قادها الصقر شيهـان
عبدالعزيـز بهمـةٍ قــد تعـلـت
صمّم على حلمـه وحققـه مـالان
دخل رياض العز مـن بعـد ملّـت
فراق سادتها وهو حيـل عطشـان

صح لسانك
والله يعطيك العافيه علىهذه القصيده الرائعه
انا اشهد انك شاعر كبير
تقبل خالص الموده
ابو عبدالله

راجي الوصل


صح لسااانك مدد يالطيب


وبارك الله فيك


قصيده تستحق التصفيق مطولاً

وكل عام وانت وملكتنا بألف خير

ياراجي الوصل 0000تسلم على الابداع المتميز
قصيده قمممممممممممممممممه ورائعــــــــــــه
تسلم وتسلم وتسلم وكل عام وانت بخيـــــر
اخووووك
السااااااااااااري

أحبابي الكرام الذين مرّوا على قصيدتي
وعـقـّـبوا عليها صدقوني لا أرى جمال
قصيدتي إلا بعد أن أرى تعليقاتكم الطيبة
عليها وهذا هو ماينشده كل ناشر ٍ لإبداعه
حتى لو كان هذا الإبداع متواضعاً . . .
أشكركم من الأعماق على تواصلكم
وما ذلك إلا من كرمكم وطيبكم ,,,,
. . شكرا على تثبيت القصيدة . .

تحية طيبة
يشرفني المرور من هنا لأسطر اعجابي بهذه الكلمات

صح لسانك والله يعطيك الف عافيه

والقصيدة تستحق التثبيت

اخي العزيز لاهنت على مرورك

وشهادتك للقصيدة اسعدتني كثيرا يعلم الله

لاهنت

راجي الوصل
إحساس راقي بمشاعر ارقى

رعااك الله اخوي ولا عدمناااك

يعطيك الف عافيه

اخوووك