كتبـت بصفحـة ايـامي .. ( بقاياجرح )..للتقبيل

مسافر والمسافه عمر .. ودروبي عذاب وويل =مسافر والمـدينـه حـزنها.. يطرد شـعاع النـور
مسافر والمواني وهم .. والمركب نفاه النيل =مسافر والأماني سيل .. مايروي الصحاري البور
مسافر والحقيقه .. عاشق عمره قضاه رحيل =تعب يركض .. على صهوة جواد الموعد المهجور
مسافر.. وإتجاهاتي سراب وجيت يم سهيل =أدوّر حلمي الضامي .. وأصـوّت له وأمـد جسور
سنيني ليل مبهم .. والزمن قاسي وظالم حيل =تنـكـّر لي وأنا عمـري .. بعد تـوّه ثمان شـهور
تعالي لمـلمي روح تبيك .. وعافـت التخيـيل =تعالي قبل لا يبـكي خفـوقي .. ويفضح المستور
تعــالي .. جفـفي دمعه بعيـني ملّـت المنـديل =تعالي .. يمكن بجيّـتك يجبـر خاطري المكسور
حروفي تصرخ بهمي .. تنادي والزمان بخيل =حيـاتي طـوّل غيابك .. تعـالي وأهدمي هالسـور
نسـيتي ياحيـاتي .. يـوم جيتـي لي بذاك الليــل =تقــولين الغـلا جابِك .. وصدّقـتـك بدون شـعور
وكتبـت بصفحـة ايـامي .. ( بقاياجرح )..للتقبيل =مدامـك تسـكني عمري .. أبقـلبها فـرح وسـرور
زرعك الحظ فيني .. مازرعتك وأُشْعل القنديل =وفضّـلتـك على جنسـك .. وخليـتك مـلاك الحور

من اختياري