منتديات بني عمرو - كتبـت بصفحـة ايـامي .. ( بقاياجرح )..للتقبيل

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - كتبـت بصفحـة ايـامي .. ( بقاياجرح )..للتقبيل (https://forum.baniamro.co/showthread.php?t=11111)

كتبـت بصفحـة ايـامي .. ( بقاياجرح )..للتقبيل

مسافر والمسافه عمر .. ودروبي عذاب وويل =مسافر والمـدينـه حـزنها.. يطرد شـعاع النـور
مسافر والمواني وهم .. والمركب نفاه النيل =مسافر والأماني سيل .. مايروي الصحاري البور
مسافر والحقيقه .. عاشق عمره قضاه رحيل =تعب يركض .. على صهوة جواد الموعد المهجور
مسافر.. وإتجاهاتي سراب وجيت يم سهيل =أدوّر حلمي الضامي .. وأصـوّت له وأمـد جسور
سنيني ليل مبهم .. والزمن قاسي وظالم حيل =تنـكـّر لي وأنا عمـري .. بعد تـوّه ثمان شـهور
تعالي لمـلمي روح تبيك .. وعافـت التخيـيل =تعالي قبل لا يبـكي خفـوقي .. ويفضح المستور
تعــالي .. جفـفي دمعه بعيـني ملّـت المنـديل =تعالي .. يمكن بجيّـتك يجبـر خاطري المكسور
حروفي تصرخ بهمي .. تنادي والزمان بخيل =حيـاتي طـوّل غيابك .. تعـالي وأهدمي هالسـور
نسـيتي ياحيـاتي .. يـوم جيتـي لي بذاك الليــل =تقــولين الغـلا جابِك .. وصدّقـتـك بدون شـعور
وكتبـت بصفحـة ايـامي .. ( بقاياجرح )..للتقبيل =مدامـك تسـكني عمري .. أبقـلبها فـرح وسـرور
زرعك الحظ فيني .. مازرعتك وأُشْعل القنديل =وفضّـلتـك على جنسـك .. وخليـتك مـلاك الحور

من اختياري

وكتبت بصفحة ايامي .. ( بقاياجـرح )..للتقبيـل.......مدامك تسكني عمري .. أبقلبها فـرح وسـرور

أبداعات جديدة من مبدعنا المتجدد دائماً " سعيد العمري " ..

تحياتي لك دائماً وأبداً ..

كتبت حروفك الأربع على صدري وللتقبيل ........... مدامك مستحي مني وتحياتي طرب وسرور

للتقبيل : للتسليم .

كعادتك سيدي

تختار ماهو جميل

وماهو ممتع . .

كلمات قوٌية .. بالفعل

ومتميزة ..

كناقلها ..

لك مني كل التقدير والإحترام

المهاجر

وكتبت بصفحة ايامي .. ( بقاياجـرح )..للتقبيـل *** مدامك تسكني عمري .. أبقلبها فـرح وسـرور

كتبت حروفك الأربع على صدري وللتقبيل ........... مدامك مستحي مني وتحياتي طرب وسرور

لا استطيع ان اقول الا

كتبت حروفك الابدع على الصفحه بوسط الليل ****** مدامك مهتني فرحان ترى الدنا فرح وسرور

تحياتي لك ابو سلطان