روائع ( عبدالله الفيصل )

هذه قصيده والدنا الامير عبدالله الفيصل في رثاء الملك الشهيد فيصل بن عبد العزيز



أصيح يا فيصل على راس ما طال ... وين إنت يا راعي العلوم المجيده

حسيت بالوحده وما بين الاظوال ... و جرحك بقلبي قام ينزف صديده

الحال عقبك, لا تسايل على الحال ... معيشتي ضنك , وحياتي زهيده

مثل الغريق اللي شفوق على الجال ... فترت زنوده , ما بلغ ما يريده

مصايب الدنيا زمان و تنزال ... و مصيبتك في كل يوم جديده

البستني من لوعة الحزن سربال ... لى قلت : ولّى , شفت شيٍ يعيده

دفنت في قبرك عظيمات الآمال ... و محاسن الدنيا عليّه بعيده

و لوعتي من شوفي الترب ينهال ... عليك يا عزي بجوف اللحيده

لو مات نصف الناس ما سايلٍ سال ... ما هم فقيده إنت اللي فقيده

لو اني حظيظ كان قبَّاض الآجال ... خذني قبل موتك مناةٍ وحيده