باقي الناس في كفة

.

(أمي) بكفه وباقي الكون في كفه..=.. تسوى البشر كلهم با جعلـي افديهـا

.

ماحد(ن) يساوي غلا أمي ولا نصفه..=..لو حطني في عيونه مـا يجاريهـا

.

أمي مهي وحدة(ن) قابلتها صدفه..=..أمي الى الحين تذكـر يـوم اناغيهـا

.

حلو اللبن من حضنها باقي اعرفه..=..وباقي اعرف الحكاوي اللـى تحكيهـا

.

لحظة تبسم احس انـي فـي الزفه..=..هـي مصـدر افراحنـا الله يخليهـا

.

ولحظة تظايق احس بداخلي رجفه..=..واخلي الـزم مواعيـدي واراضيهـا

.

ان كان ما ارضيتها وش نفع هالخلفه..=..لا صرت ما اشيلها بالعين واغليها

.

من زيّّها والدوا يا ناس في كفه..=..لا طحت مرضان قمت بلمسـة ايديهـا

.

من زيها شايل(ن) همي علـى كتفـه..=..لا شانـت بعينـي الدنيا تسويهـا

.

مـع ضناهـا توقـف دايـم ابصفه..=..فيهـا حميـه ولا يمكـن تخليهـا

.

لأمي غلا لو بوصف ما قضى وصفه..=..بس اختصر وادعي ان الله يخليها

.

الجمال لا يتجزأ ...

قصيدة جميلة جداً يا أخي ..
أي كلمة نكتبها تجاه والدينا تُغلف بالجمال مهما كانت
فما بالك بهذهِ الكلمات الرائعة ... ؟
قصيدتك إذن هي الروعة مغلفة بالجمال فما أروعكَ هنا ياأخي
قصيدتك هذه في كفة ... وباقي المشاركااااااااااااات في كفة !!

أرق التحايااا لك