.

(أمي) بكفه وباقي الكون في كفه..=.. تسوى البشر كلهم با جعلـي افديهـا

.

ماحد(ن) يساوي غلا أمي ولا نصفه..=..لو حطني في عيونه مـا يجاريهـا

.

أمي مهي وحدة(ن) قابلتها صدفه..=..أمي الى الحين تذكـر يـوم اناغيهـا

.

حلو اللبن من حضنها باقي اعرفه..=..وباقي اعرف الحكاوي اللـى تحكيهـا

.

لحظة تبسم احس انـي فـي الزفه..=..هـي مصـدر افراحنـا الله يخليهـا

.

ولحظة تظايق احس بداخلي رجفه..=..واخلي الـزم مواعيـدي واراضيهـا

.

ان كان ما ارضيتها وش نفع هالخلفه..=..لا صرت ما اشيلها بالعين واغليها

.

من زيّّها والدوا يا ناس في كفه..=..لا طحت مرضان قمت بلمسـة ايديهـا

.

من زيها شايل(ن) همي علـى كتفـه..=..لا شانـت بعينـي الدنيا تسويهـا

.

مـع ضناهـا توقـف دايـم ابصفه..=..فيهـا حميـه ولا يمكـن تخليهـا

.

لأمي غلا لو بوصف ما قضى وصفه..=..بس اختصر وادعي ان الله يخليها

.

اخي الغالي المسكت

صح بدنك ولا هنت على المرور العطر

يسعدني ويثلج صدري تواجدك الدائم هناااا


اخوك

نقش خالد

بريق الماس

شاعر بمكانتك يسعدني مروره وتعليقه ....

وما خطته يدي .... نقطة في بحور ابداعك

اتمنى ان تستمتع دائماً في تواجدك بمتصفحي المتواضع ..

اخوك

نقش خالد