شهرزاد !

صح لسانك يااميره واعجبني ردك فتوضيح لقصدي هذا ردي
ودائما لن ارتقي لحرفك لكن العذر

جارك الله ياالجليله من عذاريب العبور
..................وامحشومه ياالأميره دربك اوسع من مطار
غردي مادام ليلك والقمربادي الظهور
....................والله ان الليل معتم لين يبدي هالنهار
ميرشاقتني قصيديه من حكايات البدور
...................البسوس بنص ليله قومت بالشعب ثار
واحترق بارض المعارك كل حي بكل جور
...................واعلنت تغلب شقاها والبكرذاق انهيار
كم سنه ثارت قلوب وكم سنه تدفع مهور
.......................يالجليله رب كلمه ولعت بالدارنار
كل حي الله كفيله لين يصبح بالقبور
......................يابلادي قدرضينالوزلالك من مرار
دام عزك يابلادي بالسنين وبالشهور
..................طعمك بأمنك وامانك لين نفنى من الديار
يابلادي من انادي لاانطفى بالأمن نور
....................يابلادي جيت البي ماابي منك اشتهار
والله مايوم اتخلا عنك لوجرتي ببور
....................دام ابومتعب عريسك قادمك للإزدهار

وسلامتك ياسيده الحروف