تغريدة مواطن تشعل الشركات ..

دفعت تغريدة ساخرة سجلها مغرد سعودي عددا من الشركات‏ الكبرىبالمملكة للتفاعل
معها من باب المرح والدعاية فيما حظيت التغريدات بمتابعة آلاف المغردين..
وكان مغرد قد كتب ممازحا عبر حسابه الشخصي ( وقت اللياقة لو يتحمس فتح بحوشنا )
قبل أن يرد الحساب الرسمي لشركة وقت اللياقة ردا طريفا عليه بالقول:
مرحباً أخوي: ممكن لو تكرمت تزويدنا بموقع ومساحة حوشكم..
عقب ذلك تداعت شركات كبرى عدة للدخول على خط المزاح مع الحسابين
وجاءت ردود الشركات كمايلي :
مشروع الملك عبدالعزيز للنقل العام بمدينة الرياض قطار الرياض :
موقع حوشكم لو سمحت بنفتح عنده محطة مترو..
شركة غازكو: اترك لنا مساحة لخزان الغاز الله يعافيك..
شركة موبايلي: خلوا لنا شوي من الواجهة الشرقية للحوش بنفتح فيها فرع..
دومينوز بيتزا: عطونا المطبخ والباقي علينا..
ماكدونالدز السعودية:قهوتك أنت والمتابعين علينا ببلاش صباح كل أحد..
طيران ناس: يبيلك تسافر كم يوم الين يجهز بيتك..
سابتكو: بنمرك فيه عندنا سيارة مرسيدس تاخذك من باب بيتك للمطار..
ــــــــــــــــــــــــــــــــــــــــــــــــــ ـــــــ
مدري لو قدّم طلب جاد على أحدهم هل بيكون تفاعلهم كذا ؟

والله يا خوي ابو ريان كان عندي حوش بالسكن بمركز صحي بني عمرو تركض فيه الخيل بس الظاهر انه كله مزح شكرا على الخبر الطريف

الله يعطيك الف عافيه
بانتظار جديدك بشوووووووق
لك ودي

د. زكريا ..
رمش الغزال ..
حياكم الله ..

ويا دكتور زكريا لو شاركتهم بتغريدة عن حوش المركز الصحي كان ضبطت
والأكيد إن تفاعلهم مع الرجل جاء من باب المزاح ..
والحقيقة أنتشرت شهرت تغريدته وتفاعل الشركات معه لدرجة
ظهورها كخبر طريف بقناة العربية ..
ولكن يجب أن يكون جدهم كشركات مثل مزاحهم كملاحظة فقط ..
تقديري ..

كذبة وصدقوها .

الموضوع كله مزح ولكن لقي رواجا في الحسابات وهذا اللي يريده المغرد .

شكرا لك .

حياك الله أبو فهد ..
شفت لقاء مع صاحب التغريدة بقناة العربية وقال ما على بالي تصير الأمور كذا ..
وسألوه هل يهمه تطوّر التغريدة والهاشتاق قال أبد الأمر عادي ..
ولكن مثل ما قلت ربما نجح مخططه والله أعلم ..
تقديري ..

ههههههههههههههههههههههههههه تغريده جميله عجبتني الطقطقه
من الشركات ..شكرآ لك ..

حياك الله تراتيل ..
طقطقة غير متوقعة وتفاعل كبير فعلاً من قِبل الشركات ..
المهم هذا اللي صار
تقديري ..

ياحب هالشعب للطقطقه .. لو فيه رقم قياسي للطقطقة كان حطموه
شكراً لك ..

حياك الله الشمالية ..
المشكلة إنهم علموا كل شعوب العالم الطقطقة ولنا في اليوتيوب نظر
تقديري ..

تغريدة تستنفر شركات كبرى بهذه الطريقة ...!
غريب بالفعل ...!
أتوقع الشغلة تم طبخها مسبقاً في زاوية الحوش، أو الفصله الأولى من قبل الشركة التي تفاعلت من باب الدعابة على التغريدة ولحق ركب الشركات من نفس الباب ...!
وهاتك يادرب المحبة ...
بكل الأحوال شكراً أبو ريان ...
تقديري ...

حياك الله سكر غير ..
حتى ولو أفترضنا إنها طبخة مع شركة واحدة فجيت البقيّة كلام كبير ..
الكلام إنها حصلت وأشتهرت كيف ما كان ..
تقديري ..

جميييله هههههههه ياليتهم يصدقون ولو بوعد واحد من وعوده

حياك الله الريم الجفول ..
المشكلة إن تفاعلهم جاء عن طريق المزاح ..
والله العالم فعلاً وقت الجد كيف وضعهم ..
تقديري ..