زمان الضيق..

زمان الضيق
كلمات : عبدالله غويزي الشاطري
اداء : محمد غرمان العمري

الله أكبر يا زمان الضيق والفرحة قتيله
ذقت سم الضيق يوم الضيق دسه مع عسلها

امتلأ دمع المحاجر مير يا عين اسمحيله
ذاخره لليوم هذا والمحاجر قد ذبلها

هلي دمعك بالخفا تلقين كمي معشي ليله
لين روحي تهدأ يا عيني من الضيق وزعلها

شفت ذيب الوقت قدمي يلوي براسه وذيله
وعقدته اللي عقدها قدم عيني قد فتلها

من زناد الضيق ولع شيبي برأس الفتيلة
واحرق الفرحة وقلبي دونها ما قد وصلها

كن قلبي من لهيب الوقت يحمس في مليله
عقب ما جرى الزمان وعيا بالفرحة ونبلها

كل شيء نفقده في ذا الزمن نلقى بديله
غير فقدة نور عيني كيف بحصل بدلها

وش اسوي بزمان شد فيني كل حيله
ضاعت الهمة لاوني دونها رمح وجملها

كل حمل فوق متني شلته وعزومي ثقيله
غير يمنن في وداعي طحت مقدر لحتملها

يوم لاحت للوداع اللي قدومه مستحيله
ضاق كوني شب صدري نار واحلامي قتلها

ودعتني في سفرها والسفر رحله طويله
وماتت الفرحة بقلبي عقب ما عجل أجلها

طحت تايه كل فرق من غروب الشمس أخيله
لين غيم غيم حزني وانهمر فيني وبلها

مالي جدوى غير دمعه يوم ما في اليد حيله
حطت بخدي علامه عقب ما قفا أملها

اهي يا سهوم المنايا جرحي وشلون أرتكيله
يومه وقع رأس رمحك في عروقي ثم نتلها ..

انتقاء مميز
تراتيل
اسم وجودة ضمانة لكل جميل
تقديري وامتناني لكِ ولأطروحاتك

الله عليك يـــ الغلآ
يسلم لنآآ هالذووق .. لآعدمنآكِ
ود وآكثر

قصيدة وأداء إبداع واكتمل ..
اختيارك مميّز والله يعطيك العافية ..
تقديري ..

اختيار موفق منك بارك الله فيك .
واتمنى لشبل الاخوال التوفيق .

المشاركة الأصلية كتبت بواسطة شاعر من بعيد

انتقاء مميز
تراتيل
اسم وجودة ضمانة لكل جميل
تقديري وامتناني لكِ ولأطروحاتك

شكرآ لجمال الاطلاله والاطراء
ودي وتقديري لسموك..

المشاركة الأصلية كتبت بواسطة الضآميــه

الله عليك يـــ الغلآ
يسلم لنآآ هالذووق .. لآعدمنآكِ
ود وآكثر

فديتك ي منبعه انتي
نورتي غلاي..الف شكر لك

المشاركة الأصلية كتبت بواسطة أبو ريان

قصيدة وأداء إبداع واكتمل ..
اختيارك مميّز والله يعطيك العافية ..
تقديري ..

الله يسعد قلبك ابوريان
منك نقتبس التميزوالجمال..ودي وتقديري

المشاركة الأصلية كتبت بواسطة ابوفهد العمري

اختيار موفق منك بارك الله فيك .
واتمنى لشبل الاخوال التوفيق .

حياك الله ابوفهد
ولك مثل ذلك الله يحفظك ..

إختيار مميز
تسلم الأياادي

رووووعـه تـرآتيـل يسـلم هـالــذوق...

شكـراً لك.؛