سهم المحبه

حلفت أنا منساه . منساه . منساه = لو طالت الايام ماني بناسيه
اللي ذبحني في صدوده وجفواه = مكانته فوق الزعل والمشاريه
الغالي اللي شد قلبي من أقصاه = يفز قلبي كل ماحل طاريه
كل مابغيت أنسى غرامه وطرياه = يفوح ريح المسك بكفوف غاليه
خلن ملك قلبي بضحكة محياه = هو الوحيد اللي عيوني تراعيه
أعزف له أحساس الغلا والمعاناه = وأسمع صداها بين الاضلاع يبكيه
لو كان بالدنيا .. مثيله وشرواه = ماضاق كل الكون بعيون مغليه
عزآه ياقلبٍ من الحب عزاه = عزاه ياقلبٍ من الشوق يدعيه
يفداه جرحٍ يحتظر يوم فرقاه = ويفداه مضمون القصيد وقوافيه
كن الحنين اللي تغطرّس بمعناه = يستوطن حروف الوفا في معانيه
أحلى الليالي ذقتها يوم لقياه = وأقسى الليالي لا تذكرّت ماضيه
كل ماذكرت سنين عمري بلياه = يضيق بالي وأزرق الدمع يرثيه
على دروب الحب هاذي بقاياه = صرح المحبه ماتحطّم مبانيه
ماله شبيهٍ في عيوني ويشداه = ماله مثيلٍ بالحبايب يشاديه
أعيش مع حبه وطيفه وذكراه = لامر زوله قمت بالصوت أناديه
غاب وتركني للسهر والمناجاه = مع ذكريات الامس دمعي يحاكيه
سهم المحبه وسط الاعماق مرماه = ونيشان حبه بالموادع يباريه
يأخذني الهوجاس وأذكر مزاياه = كل مانزف جرحه بقلبي أخفيّه
وحلفت أنا بالله لا يمكن أنساه = ولو مرت الايام ماني بناسيه

.

.

صح لسانك الله يعطيك العافية

يأخـذنـي الهـوجـاس وأذكــر مـزايــاه
كــل مـانـزف جـرحـه بقلـبـي أخـفـيّـه
وحلـفـت أنــا بالله لا يمـكـن أنـســاه
ولــو مــرت الايـــام مـانــي بنـاسـيـه

سلمت يابن ظافر وصح بدنك ولا هنت

الله عليك يا سعد لله درك ..
قصيدة جميلة ورائعة ومؤثرة جداً ..
جميلة في بناءها ومعانيها ورمزياتها الشعرية ..
رأيت القصيدة بين الغزل العفيف ورثاء حال الحب ووصفه ..
أبدعت في خلط هذه الأشياء فأخرجت لنا قصيدة تثير الإعجاب ..
بداية رائعة لك معنا وأجزم بأنك شاعر صاحب موهبة وإبداع سابق وقادم بإذن الله ..
صح لسانك ولك تقديري ..

المشاركة الأصلية كتبت بواسطة أبو ريان

الله عليك يا سعد لله درك ..
قصيدة جميلة ورائعة ومؤثرة جداً ..
جميلة في بناءها ومعانيها ورمزياتها الشعرية ..
رأيت القصيدة بين الغزل العفيف ورثاء حال الحب ووصفه ..
أبدعت في خلط هذه الأشياء فأخرجت لنا قصيدة تثير الإعجاب ..
بداية رائعة لك معنا وأجزم بأنك شاعر صاحب موهبة وإبداع سابق وقادم بإذن الله ..
صح لسانك ولك تقديري ..

صح بدنك أبو ريان وكلامك وسام فخر لي من شخص مثلك واعتز فيه ....
وهذي القصيده مفتاح بدايه والقادم أجمل بأذن الله ,,,تحيااااتي وتقديري

صح لسانك ونتمنى لك التوفيق ونرى المزيد المنوع .

أشكر مرورك أخوي ابو فهد ويعطيك العافيه,,,تحيااااتي وتقديري

صح لسانك ولاهان قافك يالترف
ابدعت ماشاء الله
اقبل مروري المتواضع ولك التحيه

أسعدني مرورك أبو خالد ويعطيك العافيه

صح لسانك
أبيات رائعه
الف شكر لكـ

عذبة الروح أشكرك لمرورك..تحياتي وتقديري

قصيدة رائعة في بنائها
صح لسانكـ شاعرنا وبانتظار جديدكـ

تقديري

الله عليك يا سعد

ابيات رائعه
صح لسانك وسلمت يمينك وبشوق للقادم
تحياتي

المشاركة الأصلية كتبت بواسطة المهندســ

قصيدة رائعة في بنائها
صح لسانكـ شاعرنا وبانتظار جديدكـ

تقديري

صح بدنك ويعطيك العافيه,,,,تحياتي وتقديري

الشاعر صالح العمري صح بدنك ويعطيك العافيه وشاكر مرورك الكريم,,,تحياتي وتقديري