،،،مبروك للجميع شهر الصوم الفضيل،،،كيبوردية

من منطلق وجه الرضا والعوايد
واحساس قلبٍ يحتفظ بالمودة

تحيةٍ بالمسك والطيب زايد
فيها ومنها كل جودٍ نمده

وبعد التحية سقت جزل الفرايد
تحوي التهاني والغلا تستمده

لكل عضوٍ في المهمات نايد
صقرٍ يشوق العين ساعة مهدّه

وللي عطاهم ياهل الفكر كايد
عضواتنا نهر النقا من يردّه؟

بمناسبة شهر العطا والفوايد
شهر الصيام اللي شغفنا مردّه

جعله عليكم قادم الوقت عايد
واجسادكم للتضحية مستعدّه

مادام للرحمن حطت موايد
فالخير جزره نقص والزود مدّه

الصوم لله والجزا فيه زايد
وباب الصيام بجنّة الله نعدّه

اسمه من الريان ماله ندايد
يقطع ضماك وكل فعلٍ وضدّه

من منطلق وجه الرضا والعوايد
مبروك شهر الصوم حب ومودّه