الالماس

السلام عليكم
اليوم معي [ رزفة ] او سموها [ شلّة ] كيفكم
قبل ايام قليلة كنت عائدا من دُبيّ , سُئلت ونحن على متن طائرة العودة ..
وش قولكـ في الالماس اللي شفته بدبي , قلت ما عندي شيء اقوله
اصرّ السائل على كم بيت , طلعت القلم وكتبت اللي في خاطري
والحقيقة لا يستهويني الاكل المكشوف ولا احب إلا الكايد
والفتاة السعودية بعفتها وحيائها حلم اي رجل
قلت خذ هذي على لحن الشلة الاماراتية

المــــاس يبرق في عيــــون النـاسي
,,,,,,,,,,,,,,,,,,, واللي يشــــــــوفه ما تلام عيـــــونه

آشـــوف مثل النــــاس لمع المــاسي
,,,,,,,,,,,,,,,,,,, لكـن شــــفي درّة(ن) مكنــــــــــونة

غــــلا ثمنهــــا يطــــــرد الفــلّاسي
,,,,,,,,,,,,,,,,,,, لاهي بــ مسيـــومة ولا مرهــــــونة

لاشفتها غصب(ن) تثيــر احســاسي
,,,,,,,,,,,,,,,,,,, وتصـــوّره غيـم(ن) تهل مـــــزونه

عـذب(ن) يليــن كل قلب(ن) قـاسي
,,,,,,,,,,,,,,,,,,,, وينسّـي المـــديون هـــــم ديـــــونه

الشـــعر كيفي والمشــــاعر كاسي
,,,,,,,,,,,,,,,,,,,, شـــرد المعـــــاني تكتسي بفنـــونه

أنا ســــــعودي مــا يكيّـــف راسي
,,,,,,,,,,,,,,,,,,,, الاعنــــود(ن) فـــاتن(ن) مزيـونة

ما لامســــت يدهــــا يــد الدنّــاسي
,,,,,,,,,,,,,,,,,,,, عن الخطـــا ومن الردى مصيونة

إنْ جيتـــــها مُــغرم تشــــم انفاسي
,,,,,,,,,,,,,,,,,,, وإنْ جيت مجنون(ن) تجي مجنونة

يا شعري ارسمني على قرطـاسي
,,,,,,,,,,,,,,,,,,,, حُـــرٍّ يشـــــوف اللي وراه ودونه

من طاح في درب الهوى متواسي
,,,,,,,,,,,,,,,,,,, يلـــــــوم قلبـــه لا يلـــــوم عيونه

شفت يا بو فهد إن مغليكـ ماشي في السليم
ويمشي جنب الحيطة ويتصوّر برق بعض العرب في الماء
يعني ( ما تستوي يا ريال ) ,,,,,, كل الاحترام والتقدير والحب للغالي ابو فهد ولكم جميعاً
عذري عليها ثلاث ,, [ طيبكم , ما هنا شعر , الوقت قصير ] هيا لا تفشلونا
وتقلون مذا سنع الفتيت ذيه , ما معكم الا هو وقسم اني صادق
تدرون ,, المهم المعنى وعلى قولتهم ..
اهم شيء الاخلاق

احترامي للجميع

صح لسانك و مبدع كعادتك
مريت الشمس و الرمال حط عيني بعينك

إنْ جيتـــــها مُــغرم تشــــم انفاسي
,,,,,,,,,,,,,,,,,,, وإنْ جيت مجنون(ن) تجي مجنونة

وآنششهد عشنآآ يابنآآت السعوديه^^
صح لسآنك مُهندسنآ
لآعدمنآآك ..

كفو يالمهندس واعرفك زين تلصق بالجدار مرة ماهو تمشي بجنبه . ههههه

صح لسانك على هذه القصيدة الموجهه فعلا ويازين كل مكنون ( كأنهن بيض مكنون ) .

شكرا لك ولاهنت .

تسلم وتـدوم صح لسانك الله يسعدك

ما لامســــت يدهــــا يــد الدنّــاسي
,,,,,,,,,,,,,,,,,,,, عن الخطـــا ومن الردى مصيونة

إنْ جيتـــــها مُــغرم تشــــم انفاسي
,,,,,,,,,,,,,,,,,,, وإنْ جيت مجنون(ن) تجي مجنونة

يا شعري ارسمني على قرطـاسي
,,,,,,,,,,,,,,,,,,,, حُـــرٍّ يشـــــوف اللي وراه ودونه

من طاح في درب الهوى متواسي
,,,,,,,,,,,,,,,,,,, يلـــــــوم قلبـــه لا يلـــــوم عيون

أما الأخلاق والمشي جنب الحيط فمضمون
وأما الألماس السعودي فإنه معروف ولا له مثيل ..
حتى في الإنتاج جودة وسمو وإختلاف في كل شيئ وربنا يديمهم ..
ختاماً القصيدة مرسومة بنهج شاعر محترف في كل شيئ وهذا ليس بجديد ..
الحقيقة قرأت وذهني مشغول ومعزوم وعلى عجل وما حبيت أأجل ردي ..
ولذلك ممكن من حظك وحظ القصيدة مروري الخاطف ..
صح لسانك وطاب حالك ولك تقديري ..

ذكرتني بصاحب لي اغلب وقته في الخارج بحكم عمله قلت له ليه ماتزوج من هالشقر !

قال ياصاحبي اللحم البلدي افضل ولا المستورد
فسكت اسايرها عن الكلام ......

عارف ابكون من مكونات الجدار ماهو امشي جنبه !


اقول لك شي يامهندس
قسم انك غيرررررررررر
الله يسعد قلبك

الشـــعر كيفي والمشــــاعر كاسي
,,,,,,,,,,,,,,,,,,,, شـــرد المعـــــاني تكتسي بفنـــونه

أنا ســــــعودي مــا يكيّـــف راسي
,,,,,,,,,,,,,,,,,,,, الاعنــــود(ن) فـــاتن(ن) مزيـونة

ما لامســــت يدهــــا يــد الدنّــاسي
,,,,,,,,,,,,,,,,,,,, عن الخطـــا ومن الردى مصيونة

ولا اروع من هيك

يسلم بؤك ولا عدمناك يالغلا

دوماً تتحفنا بكل جميل ورائع

ودوما نشتاق الى ما تضع مشاعرك وأحاسيسك

والباقي مضمووون

رمسة فيها الكثير من الجمال الشعري والتنوع اللفظي
تلامس شغاف القلوب وتزيد المحبين صبابة
لاتلام اذا مدحت حسناوات السعودية ولكن للأمارات نصيب من الزين
صح الله السانك والمرّة القادمة حاول تمشي بعيد عن الحيط حتى نستمتع أكثر(دعابة ياريّال)
ممنون لطرح هذه الأبيات الثرية بالغزل العفيف

الله الله على الروائع الي تسرالخاطر
كل التقدير لك شاعرنا الرائع
صح لسانك ولاهان قافك يالترف الكـلام الماس والمرسم ذهب
مروري المتواضع ولك التحيه

المشاركة الأصلية كتبت بواسطة @ROYAL@

صح لسانك و مبدع كعادتك
مريت الشمس و الرمال حط عيني بعينك

مرحبا مليون اخي الحبيب صح الله بدنكـ ولا هنت ,,
كانت رحلة عمل فيها شوي سياحة , عشان كذا ما شفت إلا الحيطة
اشكر تواجدكـ العطر

المشاركة الأصلية كتبت بواسطة الضآميــه

إنْ جيتـــــها مُــغرم تشــــم انفاسي

,,,,,,,,,,,,,,,,,,, وإنْ جيت مجنون(ن) تجي مجنونة

وآنششهد عشنآآ يابنآآت السعوديه^^
صح لسآنك مُهندسنآ
لآعدمنآآك ..

الضامية ..
شكرا لحضوركـ الماسي
يستاهلون السعوديات واكثر ,,

احترامي لجمال التواجد

المشاركة الأصلية كتبت بواسطة ابوفهد العمري

كفو يالمهندس واعرفك زين تلصق بالجدار مرة ماهو تمشي بجنبه . ههههه

صح لسانك على هذه القصيدة الموجهه فعلا ويازين كل مكنون ( كأنهن بيض مكنون ) .

شكرا لك ولاهنت .

هههههههههه
مرحبا ابو فهد ,, شكرا للحضور والشهادة
صح بدنكـ طال عمركـ وعسى الله يسمعنا خير

كل الاحترام وكل عام وانت طيب

بن ظافر
مشكور مراقبنا الغالي
تقديري لمروركم الجميل

المشاركة الأصلية كتبت بواسطة أبو ريان

أما الأخلاق والمشي جنب الحيط فمضمون
وأما الألماس السعودي فإنه معروف ولا له مثيل ..
حتى في الإنتاج جودة وسمو وإختلاف في كل شيئ وربنا يديمهم ..
ختاماً القصيدة مرسومة بنهج شاعر محترف في كل شيئ وهذا ليس بجديد ..
الحقيقة قرأت وذهني مشغول ومعزوم وعلى عجل وما حبيت أأجل ردي ..
ولذلك ممكن من حظك وحظ القصيدة مروري الخاطف ..
صح لسانك وطاب حالك ولك تقديري ..

ابو ريان

تشرفت بمروركـم الخاطف والحمد لله انكـ مستعجل
تصدق إنّي وانا جنب الحيطة هناكـ ,, تذكرت القنابل ولكن الله ستر
الدرر المكنونة غالية الثمن وعالية القدر ,, هذه حقيقة رغم وجود الالماس بكل ديرة
امّا الشوف فلا بد منه وش نسوي ؟ نغمّض ؟


تقديري واحترامي اللا محدود