التنهــــات ..!

المكان والزمان روضة التنهات من يوم الخميس ليلة الجمعة الموافق 6/4/1435هـ إلى عصر السبت
عدد الأشخاص بالطلعه كان 8 وتقلص إلى 5 لوجود دوام عند بعضهم ...
الأجواء بشكل عام كانت جداً غايه في الروعة والمكان جميل ولو إن بعض الناس يهتمون بنظافة المكان
بعدهم كان أحلى وأحلى ..
المهم توجهنا من الرياض الساعه عشره بالليل ووصلنا هناك تقريباً على الساعه 12 ونص وأستأجرنا
الخيمه في هذه الشعاب إلى الصباح للنوم والراحه ...
وهذه صوره للخيمه وبعض الأماكن المجاوره التقطتها عند الصباح وأصبحنا وأصبح الملك لله..


قمت آخر واحد ولقيتهم راحوا أخذوا ذبيحه وأستأجروا خيمه ونصوها في داخل الروضه وفي مكان مميز
شغلت سيارتي ولحقتهم أنا واثنين من الشباب كان معهم قهوة وصاحين
وفي الطريق إلى الروضه أخذت لكم بعض الصور
هنا توضح الصوره الروضه في الوجه

وهنا ما يحتاج أشرح
يقولون إنها لأولاد الحلال مشبكين عليها بعقم من الرمل

وهذه صورة من الداخل ومن قرب

وهذه الخيمه اللي كانت محطة التوقف لنا في رحلتنا

وهذه صورة لجيراننا في الموقع متحفشين يلعبون كورة

وهذا المقلقل تم قصفه ونسفه بنجاح ماشاء الله


وعند حلول المغرب كان هذا الصحن غداء عشاء



طبعاً من المشاهد الجميله كان فيه سياره وفيها ماء للوضوء ومكبرات الصوت للصلاه ويقومون فيها بالأذآن والنداء
للصلوات وإقامة صلاة الجماعه وبعض المحاضرات لمن يرغب في الأجر والفائده وبعض المسابقات وكان فيه حضور لبعض الشباب أخذت لهم صوره جزاهم الله خير

وهنا جانب الحضور في الموقع الخاص بالصلاه جماعه


طبعاً من الأشياء اللي لاحظتها إعطاء بعض العمال مبالغ من المال وقيامهم بغسيل أغراض الطبخ ونسيانهم من النظافة
التي هم من أجلها في الموقع مع الأسف ولكن هذا ضريبة عدم المتابعة لأبسط الأمور عندنا


وهنا شجرة الحب شكلهم تزاعلوا وخلوها هنا


في هذا المكان تحديداً يقولون مقروعين تدخلون بالسياره من هنا


وهذه إذا قالوا ختامها مسك لليوم الأول غروب الشمس


والحقيقه الجو كان بارد في الليل جداً وعقرنا البرد بشكل مو طبيعي وكانت القهوه والزنجبيل والشاهي حاضره


قمت الصباح بدري وأخذت لكم هذه الصور ومنها درجة الحراره في شاشة السياره والوقت مثل ما أنتم شايفين

وهذه بعض الجمال على أطراف الطريق مدري مالها يوم إنها غيض وزعلانه ..








في نهاية التقرير أتمنى أن يروق لكم وعذراً على الإطاله
الصور أكثر من كذا لكن حاولت بقدر الإمكان اختيار الأفضل ..
إلى اللقاء ..وأهديكم هذه الشيلة
[youtube]

ماشاءالله لاقوة الا بالله

صفاء للذهن ورواااقه
حمدالله ع السلامه

رحلة ممتعة يابو مانع بارك الله فيكم ولكم ومتعكم بالصحة .
اما اولاد الشبوك قصدي الحلال فالله يقللهم ويقطع اثرهم .
ويوم تقول مال الجمل يوم انه غيض فلا يشره ما خليتوه يستمتع بهذه النعمة .هههه

شكرا لك .

المشاركة الأصلية كتبت بواسطة capitano

ماشاءالله لاقوة الا بالله

صفاء للذهن ورواااقه
حمدالله ع السلامه

الله يحيك تحية السيل ياكابتن
وسلمك ربي من كل شر ..
الطلعه والخروج من أجواء المدينة والبيت
إلى البر والأجواء الصافيه بعيد عن الزحمه
والقلق ولو من باب الترويح عن النفس شي
طيب وطيب جداً وانصح فيه بصراحه...
أشكرك لطلتك ومشاركتك ..
اصدق التحايا

المشاركة الأصلية كتبت بواسطة ابوفهد العمري

رحلة ممتعة يابو مانع بارك الله فيكم ولكم ومتعكم بالصحة .
اما اولاد الشبوك قصدي الحلال فالله يقللهم ويقطع اثرهم .
ويوم تقول مال الجمل يوم انه غيض فلا يشره ما خليتوه يستمتع بهذه النعمة .هههه

شكرا لك .

حياك الله يالحبيب والعزيز والغالي على قلوب أعضاء بني عمرو
أسأل الله أن يعطيك العافيه والصحه ويشفي الوالد ويحفظه ولايحرمكم بره
أما الجمال قسسم إنهم في خير ماشاء الله سبحان من أنعم على ذاك
الأرض وكساها بالعشب والشجر الأخضر في كل مكان مابتضيع
لكن وقعه برد نفحها ..!
بارك الله في هذه الإطلاله الطيبه ..!

ماشاء الله ..
رحله جميله ومكااان اجمممل ...
تتهنون يارب ...
تستاهل التقيمـ و*****

روعة يابو مانع ..
مكان حلو ومقلقل وكبسة رايقة ..
يعني ثلاثة في واحد ..
وش خليتوا يخرب بيوتكم
أدام الله عليكم الأخوّة ومزيداً من الطلعات الجميلة..
تقديري ..

ماشاء الله تبارك الرحمن

تقرير جميل وممتع

الله يديم النعم والخير على بلادنا وبلاد المسلمين

ويجعلها رحلات سعيدة دنيا وآخرة

تزيد في رصيد الايمان والطاعة

والحمد لله على سلامة العودة


بالمناسبة

قبل اسبوع سمعت في اذاعة القرآن

في اخبار المناطق

عائد شراء لوازم الرحلات وصل مليار

مبلغ كبير ومبالغ فيه

لكن هذا اللي سمعته

تعجبني يا شنب هذا الكلام المضبوط ؛ وهذه الصور اللي تشرح الخاطر ؛

خشمك .. خشمك .. يالذيب ؛

بس ما فهمت وش تقصد بـِ : .

( يقولون أنها لأولاد الحلال مشبكين عليها )

واحد يبغى يورطك ههه ههه ههه ؛

ما شاء الله واضح من الصور أنها طلعة وأجواء رائعة وتفتح النفس ؛

الله يعطيك العافية على هذا الموجز المُصور الرائع والجميل ؛

دمت ودام الجميع بخير وصحة وطلعات وسعادة .

المشاركة الأصلية كتبت بواسطة شيخة بني عمرو

ماشاء الله ..
رحله جميله ومكااان اجمممل ...
تتهنون يارب ...
تستاهل التقيمـ و*****

الله يهنيك ويسعدك ياشيخه بني عمرو
وتسلمين على التقييم والخمس نجوم
ولك اصدق الدعوات ..

المشاركة الأصلية كتبت بواسطة أبو ريان

روعة يابو مانع ..
مكان حلو ومقلقل وكبسة رايقة ..
يعني ثلاثة في واحد ..
وش خليتوا يخرب بيوتكم
أدام الله عليكم الأخوّة ومزيداً من الطلعات الجميلة..
تقديري ..

الله يحييك يا ابا ريان
ينقص الثلاث الأشياء المذكوره
وجودك أنت وأمثالك المحترمين
والطيبين كانت أكتملت صدق ..
أشكر لك طلتك ما أستغني منها
والله يديم عليك الصحه والعافيه..
شكراً لك بحجم جمال ذاك المكان ولاتسد ..!

المشاركة الأصلية كتبت بواسطة الأزدية

ماشاء الله تبارك الرحمن

تقرير جميل وممتع

الله يديم النعم والخير على بلادنا وبلاد المسلمين

ويجعلها رحلات سعيدة دنيا وآخرة

تزيد في رصيد الايمان والطاعة

والحمد لله على سلامة العودة


بالمناسبة

قبل اسبوع سمعت في اذاعة القرآن

في اخبار المناطق

عائد شراء لوازم الرحلات وصل مليار

مبلغ كبير ومبالغ فيه

لكن هذا اللي سمعته

يامرحبا بالازديه
الله يحييك ويسلمك من كل شر
الحمد لله في كل الأحوال كانت
الطلعه جميله وطيبه ..
وبالنسبه لمبالغ شراء لوازم الرحلات لا استغرب
لأن الطلب عليها بزياده والاسعار مرتفعه
لكن اللي يهم سعة الصدر والراحه والدراهم
تتعوض ..
شكراً لحضورك وتواجدك ..!

ماشاء الله تبارك الله

رحلةٍ سعيدة :: وبالتوفيق

والله يهنيكم :: وعليكم بالعافية

تبارك الرحمن طلعه موفقة بارك الله فيكم

ماشاءالله كذآ آلكشته وآلفله
أمتعتنـا آبو مـانع الله يعطيك آلعافيه
وآلرياض هالسنه غير وآمطـاره موسميه
وآلربيع زين كل مكـان وين ماتروح تلقى آلنعمه وآلخضار.؛
الله يديم آلخـير وتسلم ماقصـرت
شكـراً لك.؛