اقدر الوحدة

اقدر الوحده واخالف هوى الناس ==== ما ابي عيون الناس تنظر لحالي
اقيس همي والعنا دون مقياس ==== الين صار الهم كنه ظــــــلالي
نشدني اللي صار قدره على الراس ==== ليش انطوائي عايش بانعزالي
واقول انا مالي مع الناس مجلاس ==== جو الصفا في دارهم ما صفالي
من يشتكي حاله على الناس يحتاس ==== بشكي على ربي عزيز الجلالي
ياماحلا من يرتقي ذيك الاطعاس ==== يناظر القمرا ليا صار سالي
يناظره ويقول لاباس لاباس ==== لابد يالقمرى يجيك الزوالي
لكن تعال نعيش وياك والياس ==== ننسا البشر لو كان قل احتمالي
عشان فيهم ناس تحتاج للناس ==== والا الردي ما اطيق شوفه قبالي