العـافـيه والستر تسـوى المـمالـيـك...

لا تفرح إن الوقـت أسعدك واعطاك = لابــد مـاســود اللـــــــيالي تبكيـــك
دنــــــيا تقـلـــب علــها مـــاتــولاك = تمسي عزيز وتصبح من الصعاليك
إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك
اغنم من صروف الدهر كانه امداك = قبل اللحد عن ظاهر الارض يخفيك
وترى التشكي للمخاليق يشـــــنـاك = يحط من قدرك ويفـرح امــعــاديـك
وكـثر التـشره يجعـل الناس تجـفاك = ولا عــاد تلـقى بيـنهـم من يخـاويك
ولا تمادى في زعـل من ترضــــاك = مادام جاء عاني على شأن يرضيك
ولا تخــاوي من على ابوه بـــــداك = هذاك وان طال الزمان يغدر فـيـــك
والـجـاهل احـذر لاتجـادلـه يـبــلاك = في كـلـمة بين الـمخاليـق تعـمـيــك
والهرجه العوجى لوأنه تنصــــاك = حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـــواك = مادام جاء بين المخاليق ناصيـــــك
واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جاك = زودك ترى نقصٍ على حق ذوليـك
وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفــيـــك
ولاتحـزن ان الله عـطـاهـم وخــلاك = العـافـيه والستر تسـوى المـمالـيـك
العـافـيه وان قـلت للـشـيخ تـفـــدك = والله ان يـقـول الله بملكي يـهـنـيــك
وان جت لك الدنيا على غير مشهاك = اصبر ترى بالصبر تدرك امانـيــك
ولا تأمن الدنيــا تـرى الوقـت فتــاك = لجا القـدر كثـر الحـذر ما ينجـيـــك

أبيات رائعه
صح لسان شاعرها
سلمت على الإختيار المميز

الله يسلمك ع الاختيار الرائع
دمت بخير

وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفــيـــك
ولاتحـزن ان الله عـطـاهـم وخــلاك = العـافـيه والستر تسـوى المـمالـيـك

كلمات درر وابيات حكم
جزاك الله خيرا على الانتقاء الرائع
تحيتي

كلمات وآبيات
كنز

تسلم الايادي
على الاختيار