الـمـرجـــله

المرجله ماهيب جمعٍ للاموال
................... تعلّموا يااهل العقول الغشيمه

ولاهيب تزوير السوالف والاعمال
................. ياللي مراجعها الدّجل والظليمه

ناسٍ تقفّي عنْك لاميّل الحال
.................. مثل التولّي وقت وقع الهزيمه

وبيوتهم مثل المقابر من الفال
................ عسى بيوت البخل تبطي عديمه

المرجله وسم الزحازيح الابطال
................. اللي لهم مبدى ومنطق وقيمه

اهل الشجاعه والمناعه والافعال
............. واهل الشّيم والطيب واهل العزيمه

قالوا التجاره ربحها عرْفك ارجال
................... واقول يامال الظّفَر والغنيمه

ماكل من ميّل على راسه اعقال
............. يقوى على كسب الخصال الكريمه