تخيلوا لو يفزع الجار للجار ...

السلام عليكم ورحمة الله وبركاته
هذه القصيدة للشاعر الغني عن التعريف حامد زيد
تحمل في طياتها الشيء الكثير والكثير جدا
نقلتها للإطلاع عليها 00
============================

تخيلوا لو يفزع الجار للجار =في مجتمع حاقد وغاضب ومشحون
وتخيلوا لو تلتفت كل الأنظار =للمشهد اللي وقفت دونه عيون
وتخيلوا لما رحا الحرب تندار =مابين حكام العروبة وصهيون
الى متى نستقبل ذنوب بأعذار =والى متى نستنزف جروح بطعون
نتبع خطى تيار ونصد تيار =نبعد وعدوان المسلمين يدنون
لو كان بقلوب العرب صبر و إصرار =ماكان سووا فيكم اللي يسوون
بإهمالكم بدلتم الثار بالعار =بعتم تراب القدس و أنتم تشوفون
حنا كذا بمعارض الراي شطار =لين استوى بالمجد عالي ومطمون
من كثر ماكنا نجامل ونحتار =صرنا نخاف نعارض اللي يقولون
القدس تصرخ و السماء تحصد أعمار =و الدم ينزف و الآرامل يموتون
وأرواح تسلب سلب و أعصاب تنهار =و أطفال تعدم والبشر مايحسون
خمسين عام نحارب الشرك بحجار =وبسكوتنا نبني عمارات و حصون
ننسى وكن اللي حصل شئ ماصار =نسكت وكن مابيننا شخص مغبون
لين اشربوا من دم الإسلام كفار =وبعروقنا صاروا يروحون ويجون
استضعفوا لين أضعفوا كل الأقطار =ساقوا غضبهم والأوادم يصلون
يستدرجون العزة لسمح الأبرار=يستمتعون بقتل الأطفال بالهون
ماكنه الا شعب مخلوق غدار =في قلب لا ساكن ولا هوب مسكون
بالذل ماتلقى على صيته غبار =كبارهم واطين واصغارهم دون
لا بارك الله فيهم صغار واكبار =ولا جمع الله شملهم وين يسعون
وماتنطفي شمس الحقيقة ولاو جار =فينا زمان الذل و الضعف و الهون
ودام الفشل و الضعف ثلثين الأضرار=لا بد ما نضحك ولا بد يبكون
وإن كانت قلوب العرب تنذر إنذار =ليش انتجاهلهم وهم يستبدون
الناس قالت حارب النار بالنار =ومالله خلق للآدمي عمر مضمون
وإن كانت الفزعه من أحرار لأحرار =حنا البروق اللي غدت سحب و مزون
وحنا السكوت اللي سبق عصف وإعصار =وحنا سباع الكون يا لعنة الكون
وحنا عرب والعُرب ماتترك الثار =بأفعالنا ماهيب قولة يقولون
نزعل ولكن بالزعل دمنا حار =نفزع الى شفنا العذارى يصيحون
عُقّاالنا معهم من العلم مقدار =ومجنوننا ينطح ثمانين مجنون
ياشعب ياثاير وياشعب مغوار =هوّن من أسباب المعاناة وتهون
اصرخ على كل البشر واجهر اجهار =وخل اليهود إما دروا عنك يدرون
واجمع شتات الوقت تذكار تذكار =واذكر مواقف كل طاعن ومطعون
حارب بدين الخالق النافع الضار =واستذكر الرحمن وإبليس ملعون
اطرد من أرض الله عدوين الأذكار =وإن جوك والا جعلهم مايردون
ورح قلهم حنا على كل مشوار =وذوقوا مرارة نصف ماتستحقون
وإذا رضيتوا قولوا الوقت دوار =وإذا زعلتوا سوّوا اللي تسوون

حارب بديـن الخالـق النافـع الضـار
واستذكـر الرحمـن وإبليـس ملعـون
اطرد مـن أرض الله عدويـن الأذكـار
وإن جـوك والا جعلـهـم مـايـردون
ورح قلهـم حنـا علـى كـل مشـوار
وذوقـوا مـرارة نصـف ماتستحقـون
وإذا رضيتـوا قـولـوا الـوقـت دوار
وإذا زعلتـوا سـوّوا اللـي تـسـوون


صح لسانك .... والله قصيده ترفع الراس ... وماهي غريبه عليك يا أبو سلطان


الحب الحب يتمنى لك التوفيق...

هلا وغلا ابو سلطان

وربي الشاعر ذا فقط كل كلامه درر من اول ما طلع

رائع في معناه وكلماته واضحه جداً ما فيه بالالغاز

اشكرك واشكر لك نقلك وصح لسانه والله

المسكتddfrad") وحده لكaasw والثانيه له

يعطيك العافيه يا ابو سلطان ..
والشاعر حامد معرووف ..وقصائده كلهاا ..رائعه ...
اشكرك على نقلك ....
قصيده جيده بجميع المقاييس..

تحياتي
المهاجر

اخي الحبيب سعيد
سلم الله يديك واحسنت وبارك الله فيك
قصيده رائعه وان شاء الله ان ذالك الليوم قريب
تقبل احترامي وتقديري يالغالي ابو سلطان
وفقك الله ddfrad")

سعيد العمري

طال عمرك بالفعل حامد زيد شاعر غني عن التعريف
والقصيده أجمل من جميله تطرق لها من كل الأبواب
عن معاناة خمسين عام من القهر
والكلام فقط الكلام ..
تحياتي لك ابو سلطان .........
ddfrad")

في الحقيقه قصيده جميله ومعبره وبداخلها الشي الكثير مما يهمنا جميعاً
اشكرك عزيزي ابو سلطان على هذا الاختيار الجميل0
تقبل تحياتي
دباس الجارح