رمز القفل

يا علي قلبك بصيد الخلاء لا تشبكه=وش تبي من صحبة ما وراها مصلحه
المعاني في قصيدي تراها مملكة=والطبيب يعالج المبتلى ما يجرحه
المعاني كان ماجاك معها شربكة=تعتبر عوجا ولو قيل جات منقحة
والكلام إن كان ما جاز للنفس اتركه=والخطأ لا صار من غالي لا تفضحه
بعضهم من كلمة الطيب ممكن تملكه=والبعض لو طاح خله بسرعة شرشحه
وبعضهم هرجه في أول علومه مستكة=يعجبك وتسير بين الخلايق تمدحه
البشر مضمونها مستحيلة تتدركه=والزمن لا خرب الوضع كيف تصححه
فك رمز القفل يا خوي تكفى فكفكه=رمز لغز القاف لا بد تسرع تفتحه

 

المتحدث الرسمي وصل ومتى ما وصل وصل الرقي شعراً ..
قصيدة تسوى زمنها كله وعطرها البوح الصافي والمقاصد السامية ..
متألق في حضورك ونموذج قصيدك ..
دمت هكذا وأكثر وصح الله لسانك ولك تقديري ..

الله علييك ي بن لقفص
فاتن بنبضك وإحساسك الأنيق
نص مذهل وجداً..وهنا أستثناء بالحرف والشعور ..
دمت يآأنيق ..

تسلم مليون صح لسانك الله يعطيك العافية

وبعضهم هرجه في أول علومه مستكة
يعجبـك وتسـيـر بـيـن الخـلايـق تمـدحـه
الـبـشـر مضمـونـهـا مستحـيـلـة تـتـدركـه
والزمن لا خرب الوضـع كيـف تصححـه
فـك رمـز القفـل يـا خــوي تكـفـى فكفـكـه
رمــز لـغـز الـقـاف لا بــد تـسـرع تفتـحـه

صح لســانكـ ملايين شاعرنا القدير
ابداع كما تعودناه منكم حفظكم الله

دمت بصحة