طالب يستنجد بالدورية ..

استنجد طالب في إحدى المدارس الثانوية بالمدنية المنورة بدوريات الأمن بعدما فوجئ بوجوده وحيداً داخل فصله بعد انتهاء اليوم الدراسي..
وفي التفاصيل فإن طالباً في مدرسة الإمام السمهودي الثانوية في حي الجرف بالمدينة غلبه النعاس داخل فصله ليفاجأ عند الثالثة عصراً
بعد استيقاظه من النوم بوجوده بمفرده في المدرسة بعد مغادرة المعلمين والطلاب عقب انتهاء اليوم الدراسي وعلى أثرها اتصل بدوريات الأمن
التي قامت بدورها بالاتصال بأحد مندوبي المدرسة لتحريره..
وفي تصريح للناطق الإعلامي لمديرية الدفاع المدني بالمدينة المنورة العقيد خالد مبارك الجهني قال:
إن فرق الدفاع المدني باشرت بلاغ احتجاز طالب في مدرسة بحي الجرف عند الثالثة ظهراً غير أن الفرق عادت إلى مواقعها بعد وصول أحد مندوبي المدرسة..
..
تعليقي طلّاب وتعليم اليوم غير في كل شئ ..
أين إهتمام الطالب وأين دور المناوب وحارس المدرسة من تفقدها قبل إغلاقها ..
حتى وإن كانت نسبة الخطأ على الطالب بشكل أكبر ..
..
تقديري ..

إشلون يسمحون له ينام من البدايه ؟؟

خبر غريب لكن في هالزمن أتوقع أكثر من كذا ..


يعطيك العافية ..

طيب عادي هو نام ما سوّى شي over يعني

يمكن نام ع الحصه الاخيره و يمكن كانت حصة فراغ ..

لكن مناوب الفصل او المدرسه وينه ؟ زملائه في الفصل يوم جو يطلعون ماشافوه .؟

و يشكر على حسن تصرفه ..

الخطاء هنا يقع على المناوب بشكل كبير حيث يجب عليه تفقد الفصول وكل مرافق المدرسه ليتاكد
من خلوها من الطلاب اما الطالب فعلى قولتهم النوم سلطان
اصبحنا في عصر علينا كمعلمين ومعلمات ان ننتبه لكل صغيره وكبيره لان الطلاب والطالبات الله يصلحهم عليهم
طلعات ترفع الضغط
لاهنت على الخبر

هذا ان دل يدل ان المناوبه عندهم الله بالخير ..
قمة الاستهتار وعدم تحمل المسؤوليه ...
بس كويس ان جواله معه ..
لو هالكلام في مدااارس البنات كانت مصيبه
مااااكو جوالات ...
يسلموو ابو ريااان ...

انا اقول يستاهل رقدان يخلي السمرة ويرقد
في بيتهم ومرقد جدتي , وانتو ما شفتوا مشاكل طلاب الثانوية
والنوم شي ثاني

تحيتي لك
ابو ريان

يا لهوتي يا لهوتي ،،،،

ممكن لو كان نائم في مكتبة المدرسه او انه تخبىء عن الأنظار
كان اقول : انه غلطة الطالب ، لكن يكون في الفصل و تركوه
هذا خبر مضحك و اعطي المعلم ( عشره على عشره )
وزملائه اعطيهم ( عشرين على عشرين ) ،،،،

تحياتي لأهل الطالب اللي ما فقدوه من الظهر الى العصر ،،،،،

اقول ودي انه بعد الى ذالحين في المدرسة .
طالب يرقد ولم يحس بصوت زملائه وهم خارجين اصلا صوتهم يزعزع بلد .

مهما كان نوع آلحصه بوجود معلم او حصه فرآغ
انا لا آرى ان الطالب يحمل خطأ فيما حصل
قدر الله ونام وبعضهم نومه من آلنوم الثقيل اللي مايحس بشيء.؛
ليس ذنبه اذا كان آلدور آلاشرآفي وقت آلمناوبه
غاب بدرجه كبير من آلاهمال وضح لنا هنا.؛
لكن من كانت عليه آلمناوبه ذلك آليوم يجب معاقبته
وآعطائه تنبيه خطي لعدم تكرار ماحصل وليكون درس لغيره.؛
شكراً لك.؛

بوجهه نظري آلموضوع آسآسآ لآ يستحق آلنقآش !
فهل يعقل آن آذكر وآنآقش موضوع فردي ونآدر وغير هآم , كآنني آنآقش آو آسرد قصة مشآجره طآلبين بعد آنتهآء آلدوآم في آحد آلمدآرس آلبعيده ..
وآلبعض جآد وحآزم ومتحمس في آلردود , لمآذآ لآ ننآقش تخبط وظلم آلوزآره للمعلمين من خلآل آلقرآرآت آلتي لآ تخدم آلمعلم ولآ آلتعليم .. آو آسبآب عزوف آلطلآب عن آلتخصصآت آلعلميه آو كرههم للمدرسه بسبب آلروتين آليومي آلممل وغيرهآ آلكثير ..
آعلم آنه خبر آو حدث ويعتبر حريه شخصية وآكن لكـ كل آلآحترآم وآلتقدير , لكن مجرد رآي تقبله بصدر رحب وكمآ ذكرت آختلآف وجهآت آلنظر لآ تفسد للود قضيه ,,
تحيآتي للجميع ..

المهم مخمخ امها نومه وطلعت من مسامعه من الخرعه يوم صحي هههههههههههههههه

مابه خلاف ، نوم العوافي ، وجعل كل شيء فداه ،

ولو أنه عرف يوم قام يكون كملها دعسة لليوم التالي ،

هؤلاء طلاب ومعلمين ومشرفين وإدارة ومدرسة ووزارة آخر زمن ،

لو أن القصة حصلت في مدرستكم يا أبو ريان مذا كنتوا عبيتوا بالضعيّف ..؟

الله يعطيكم العافية جميعاً ..
أعجبتني تداخلاتكم وآراؤكم وتساؤلاتكم حول الخبر المطروح ..
وكل الآراء منطقية ومعقولة جداً فمن تسائل له حق ومن قال هناك أدوار خاطئة ووقعت معه حق ..
ومن قال الطالب وأسرته أمرهم غريب كلامه صحيح ..
ومن ألقى اللوم على المدرسة والمعلم وزملاء الطالب رأيه جميل ..
المهم أنه خطأ ووقع ومسؤليته يشترك فيه أطراف كثيرة بدءً بالطالب وانتهاءً بالمدرسة ..
يبقى الخبر خبر وتبقى لنا وجهات النظر والله يعلم عن شكل وواقعية الخبر ومدى وصوله إلى هذا الوضع ..
تقديري ..

شكله فقع قلوبهم كل حصه وهو ينام

قالو خله راقد ونقفل عليه عشان نفصخه مره وحده

ههههههههههههههههههههه نوم العوافي قلبو

تحياتي بوريان

ههههههههههه

أكيد طول الليل يدرس
والصباح مفطر فول .. يعني نووووووووم ياحبيبي

مافيه نوم بعد اليوم