يا... بنت

قصيدة منقولة كماهي...

يلي على وجهي قريتي كل صفحات الشقى
اقري وأنا باكتب قصيدة واشعل الساحة حريق
باقي كثر ما راح واللي راح نصف اللي بقى
وان ماوصلت لغايتي باموت في نصف الطريق
يابنت يوم امطر غلاك بقلب ضيدان وسقى
تدرين وش سبة شقاه وسبة الجرح العميق ؟
شقاه من يمناه واسم الشيخ والنفس امحقى
والجرح منك ياأعذب العذبات يالموت الرقيق
يا بنت ما دام البدو تخلف هقاوي من هقى
وانا بدوي متني يشيل من الزمن ما لا يطيق
ابفتخر حنا بدو نعشق على وضح النقا
حنا بدو فينا الولد للقمة العليا عشيق
حنا بدو فينا الولد لو شاف موته ماأتقى
حنا بدو فينا الولد يرقا ولو ماله رفيق
حنا بدو فينا الولد لا من رقا رقا رقا
الين يوصل غايته لو كان في قمة طويق
يابنت جيتك والثمن عمري ابي ليلةٍ لقا
يما كذا والا بلاش من الصداقة والصديق
وساعة تبسمتي وشفت الجمر والثلج اصدقا
قلت أشهد أن الموت حق وصحت لك صيحة غريق
واعتقت دمعي والزعل والحزن لرضاك أعتقا
وأغفت عيوني في عيونك ياعساها ما تفيق
وامنت باللي سخرك تقرين صفحات الشقا
واشعلت بردي في دفاك وشبت الساحة حريق

رائعه جدا واختيارك ينم عن ذائقه راقيه وحس يستطعم الشعر ويتذوقه في جميع حالاته،،
فشكرا لك لمشاركتنا هذه الرائعه
دمت كما تحب

اختيار موفق لا خــلا ولا عــدم

يابنت جيتك والثمن عمري ابي ليلةٍ لقا
يما كذا والا بلاش من الصداقة والصديق
وساعة تبسمتي وشفت الجمر والثلج اصدقا
قلت أشهد أن الموت حق وصحت لك صيحة غريق
واعتقت دمعي والزعل والحزن لرضاك أعتقا
وأغفت عيوني في عيونك ياعساها ما تفيق
وامنت باللي سخرك تقرين صفحات الشقا
واشعلت بردي في دفاك وشبت الساحة حريق

نقل رائع من إنسان يتذوق الابداع وينشره

تحيتي

شكراً للجميع
ولكم التقدير.

تسلم يمناك على جمال الذائقه
لك شكري وتقديري..

شكراً أختي المحترمة تراتيل
وبارك الله فيك.

روعهه
تسلم يمينك
نقل مميز من مبدع بحق
تحيتي

إختيار رائع
سلمت يداك

شكراً لكم
وسعيد بتواجدكم هنا.