رثاء ام لفلذات اكبادها

السبت كان الحزن ضيف

وصبحه دق اوتاده الحزن فينا ..

الحزن غيمة غيبتهم علينا

وبااسباب جوره ي (مشاعل) شكينا ..

غاب الحبيب ولا بقى للهنا طيف

والاه يا (ميار) تهاوت علينا ..

كن الظهر يا رائد فيه انغمد سيف

والصدر صار لكل الاوجاع مينا ..

اقول يا محمد متى فارق وكيف

واصيح يا (مشاعل) متى انتي تجينا..

يا (ميار) من عقبك ترى بسمتي زيف

جف الفرح من حولنا وانطفينا ..

أبوك يا (مشعل) تعبان بالحيل

وانشد (مشاعل) كان مثلها لقينا ..


واعذر بكانا يارب لو بكينا ..

كانوالقمر كانوالبحر والمجاديف..

عاشو ورحلو كلهم ادب وطيب..

والله لو كان المقدر على الكيف

ماغبت يا (مشعل) ولا احنا ظمينا ..

كل مارخيت الجفن جدت عواصيف

والشوق ثار وفارقتني السكينة ..

وشفتك مثل شمس بروس المشاريف

نورك يناديني وانا اقول وينه؟ ..

والقاك واصحى والمحك راقي النيف

حي ولو صلت عليك المدينة ..

أحسك بجنبي ماهي تخاريف

ياساكن عيون المهاة الحزينه

وذكرى تبي تحيا ولو مابقينا ..

الموت يا (مشعل) كتاب وتصاريف

وحنا بحكم اللي خلقنا رضينا ..

مهـــــا بنـــت محمــــد
(ام مشعل )
دعواتكم ان الله يصبر قلبي

أبيات حزينه لام ملكومه
الله يصبر قلبها ويرزقها ببيت الحمد بالجنه
الف شكر لك ياقديره..

آميين يارب الحادث حصل قبل اسبوعين
الله يجبر مصيبتهم

اليــــــــــــــــــــــــــــــــمه ..

يسلمممممممووووو

تسلم الأيادي
الله يعطيكِ العافيه

من جد تحزن

أنا لله وإنا إليه راجعون

تسلم الايادي

مودتي