قلت ابشري باقول قول على الكيف

قالت معي ورده وبيدينـك السيـف
-----------لاكن تجمعنـا المشاعـر والأحـلام
انت الرجل ماهر وتبـدع وحريـف
---------- وانا علي اكون لـك مصـدر الهـام
ولابيننا يا مبـدع القـاف تكليـف
----------خـذ راحتـك لالاتعـذر بـالأوهـام
واحذر فديتك لا يجي بيننـا الزيـف
-----------تـراه مثـل المـوت للـود هـدام
قلت ابشري باقول قول على الكيـف
-----------فدوت عيونك كل من في السماء حام
والي مشى فوق البسيطة وفي الريف
-----------وكل الجماد وكـل هبـات الانسـام
من سوده أبها لين عمان وطريـف
----------واهل العراق ومصر والفرس والشام
وبلاد سام وكل من يسكـن جنيـف
----------وغرب الجز يره لين سلوى ودمـام
ولبا العيون الي بها رمـش مخيـف
----------لاسلهمت ترسل على القلب بسهـام
وفي بحرها بعوم لين اصل السيـف
----------واسمع صدى صوتك مع الموج نهام
يلي غلاك بوسط ذيـك المهاديـف
----------له في شغاف القلب حارس وخـدام
وفي الفكر دايم مايفارقنـي الطيـف
----------يهتز غصن الشوق والقلب بك هـام
وصدق المشاعر منك فخراً وتشريف
----------ولجل الغلا رسمت صورتك بوشـام
على ذراع كفهـا يمسـك السيـف
----------ويسجله على الورق حبـر الاقـلام