يااااطير ماشفت لي شخصن تمنيته

ياطير ماشفتلي شخصن تمنيته ماشفت زوله ولا وقعت في داره مافيه غيرك يجيب العلم لاجيته الله عطاك الجناح وبيدك اطياره ان ماتدله بوصفلك خطى بيته بالله مره وعلمني عن اخباره والياتاخرت وجيته طافي ليته انطره حتى يبان الصبح باانواره وان جاك باكر وصبحته ومسيته قله ترى عقبك الاعصاب منهاره اكيد مايدري ان الدمع هليته مرتاح قلبه وقلبي تشتعل ناره ياطول درب على شانه تعنيته لعيونه السود هانت عندي اخطاره لرضاه كل شي في يمناي سويته عساه يقبل خطى المشتاق واعذاره ماغيره انسان ولعني وحبيته ليته يروف بحبيبن تاهت افكاره يهتز قلبي على طاريه لاوحيته تكفيه دمعه عيوني ان مر تذكاره ياليت ذاك الزمان يعود ياليته ياطير قله ترا الايام دواره ان كان زعلان مني جيت وارضيته يستاهل اني ابيع الناس واختاره اخاف لاشفت خلي ماتعديته تعجبك روضه رياحينه مع ازهاره هذاك لاولعك ياطير واغليته اكيد تنسى حكي من دلك ادياره