ردة فعــل !!!!!

بسم الله الرحمن الرحيم
السلام عليكم

قبل يومين ..
حصل لي موقف مع شخص ما ..
زعلت بالحيل ,, وعــاد تعرفون انا ما احب المضاربة
قلت يا ولد عبر عن شعوركـ بالسيارة وانت ماشي
الحاصل كانت لي هالقصيدة ( ردة فعل )
ولدت وكُتبت على عجل ,, خفت انســـاها !
مُنْت عليكم ووضعتها هنا ..
ولي شرف نقدكم

( جنوبي )

يا عــلـيـم ويـا حلـيـم(ن) طـالـبـكـ تغـفر ذنــــوبي
يا رحيـــــم(ن) يغفــر الــزلة ويعلــم كـل حـــــالة

مســلم(ن) جيتــكـ ,, موحد !! بس يا مكثر عيوبي
يا عفــــــو ارحم فقيــر(ن) جــاكـ ومراده ســؤاله

كـــــان يتحــرّى زمـــــانه واثر وقته في هروبي
وانتخى بعض الرفــــاقة ميــر ما حصـل مثــــاله

يا زمان الشـــؤم صرت اشــكـ في بشـتي وثــوبي
خــاب فيـكـ الظن مـادام النــــذالة (م) الرجــــالة

كيف خليــت الـــردي يــاقف على مفــرق دروبي
جيت مديت اليميـــــن ورد ناولنـــي شـمــــــــاله

قال وشبكـ تفتخــــر ؟ قل يا لســـــان الفخر توبي
كيف اتوب امن الحـــلال ؟ الله يا شين الجهـــالة

انا ما قلت اني ابن الشيخ ,, واطلب تقتــــدوا بي
لا ولا قلت اني المـــــفتي ,, ولا ولــد الطـــوالة

ما عليه م الخــــلايق ما دروا بي ,, او دروا بي
كل واحد له مجـــال وكل رجـــــال(ن) وحـــاله

عزوتي عمرين ســـــادات الشجــاعة والحروبي
انشد المطــــــــــلا ! يعلمكـ الشجر حتى ظلاله

لانها شــــربت من الدّمّ الحَمْــر قبــــل الغــروبي
اشرقتها ريحــــة البــــــارود سكرت للثمـــــالة

وانشـــد اللي شاركوا في غـــــزوة الحد الجنوبي
يخبركـ شرق الوطن ومغيربه واقصى شمــاله

جــدنا خلّف شكـــالة كلن ايقـــول ابشـــــروا بي
ما تعلمنا الهزيمـــــة ,, ما تعـودنـــا البخـــــالة

اعتزي في ديني وجــدي وفـ الكف الــــــذروبي
واعتزي بالخـــــال لا جـــا يعتــزي كلن بخاله

افتخر اني سعودي ,عمري(ن) حجـري جنوبي
شاعر(ن) يفخر بربعه (م) الفَخَـــرْ ميّل عقاله

إن رضيت اشوف كل الناس من حولي وصوبي
وإن غضبت ,, اطأ برجليني على خد النـذالـــة

لو تواضعت أعتبرني نقطة(ن) في البحر دوبي
ولاافتخرت ,, اطير واشوف اكثر العالم حثـالة

مَرّه اراكـ اعربي واحيــــان اشــوفكـ ولد كوبي
من سواياكـ الردية صار قدركـ بالــ.......؟؟؟؟

الفتى يعتـــز في دينـه ,, وربعـــه يا العــــروبي
ما هو في مال(ن) ومنصب جاكـ من صبة بياله

وسلامتكم
واعتذر اذا لم تلقى استحسانكم
واعتبروها .. محل النقد
وقد يكون نقصها وخللها لخروجها نتيجة ( ردة فعل )

ولكم ودي وتقديري