وين شعار المحاورة ! (2)

يالمفرووض انك ما غيرت ...ليه التغير اصلا :

البدع
يالله انك تحفظ المملكه والحرمين
واكفنا شر العداه الغزاه المعتدين
اهل الاجرام والشر واصحاب الكفر
يوم بعض الناس ينوي بلدنا بالضرر
دام عزك يا وطن والمعيشه في سلام
والله يحفظ قايد الشعب قايدنا الامام
جاسر الغراني طّفر وعّود على الحديده
ماهو ابخصم عنيدٍ ولا ند ٍ لنا

سلام عليكم
تصدق اشتقت لك يالشيباني
بعدين وش في الربع هنا ساحبين عليك ما أحد يرد عليك
طيب استلم

يُعرف اللي فاز في السبق واللي حار مين=
والبطل و الكفؤ من دمه ما لمعت ايدين=
الله اكبر يا ابن بطا ح يكم منك فر=
من رجال شعرهم كانه اهروج الضرر=
والردي ماله معي لا كلام ولاسلام=
اللي يتراجع الى الخلف واحنا للامام=
يالشيباني دامك اعمى وانا عيوني حديده=
ما ادري ادلك على الدرب ولا تدلنا=

هلا ,,, والله يفواااد...!
من طول الغيباات جاب الغنايم ...وهذي اولها ..

من رجال شعرهم كنه اهروج الضرر

لكن بتلقى من يرد عليك ...!

اسمع
مرحبا بك يالمعنّى وحي الحاضرين
واشهدوا يوم التحدي على منهج يبين
وانت تذكر وش حصل يالمعنى في صفر
غير حاذر وانتبه لا تعوّد للخطر
مثلك وشرواك ما يلحقه مّنا ملام
لاني اعّده من الميته ومن الرمام
صاح قايدنا وكل ٍ يحاسب في قصيده
الله ايعل ابن بطاح يا كم..علناّ

طيب طيب
الرد

والله الا أنّا لتدريس مثلك حاضرين=
لكن أن حالتك يندى لها ياخي الجبين =
لا متى واحنا بنعطيك في الدفتر صفر=
ماقد مرعلي طالب كماك ولاخطر=
واعتقد مابه كماحالتك فالناس لام=
لا تبصبص في الإجابات ناظر للأمام=
واحنا نعطيك الدرجات كاش وبالقصيده=
ياعسانا ندفدفك للنجاح وعلنا=

اســـمع...

البدع
ادري انك عارف ومن خيار العارفين
في الفشايل والمشاريه وعلومٍ تشين
خل انا فاني زعيمٍ محنك في الشعر
وانت ما عندك يكون السوالف والهدر
من عرفتك وانا واياك في حرب وخصام
تحسب انك بارع في جلوس وفي قيام
انتهينا الحرب وافتح لناصفحة جديده
لا تقرب من بلدنا ولا من حلنا

فؤاد بن بطاح ..
الشيباني ..
القصيد هنا والمحاورة برتبة ( عملاق ) ..
قوة معاني وروعة شقر وأبيات رصينة وثقيلة وقوية ..
اللي اتمناه هو الإستمرار لتمنحونا المتعة ولكن سمنوها شوي ههههه
صح ألسنتكم وما ودنا نقاطعكم بالردود ونحن متابعين لروائع القصيد ..
طبتوا وطاب القصيد معكم ..

حياك الله يا ابوريان
والحقيقة ان مرورك من هنا اكبر شرف
وان شاء الله انت والمتابعين والاخ الشيباني مالكم الا طيبة الخاطر

الرد

احنا ندري من هل الحقد وأهل العار فين=
اللي دايم غيضهم باينن ومأتّشين=
وان بن بطاح لوكان قلبك به شعر =
شيخ ما ياجي منه غير لول ومنه در=
والكلام اللي انت تبغاه عنه الشيخ صام=
والذي قرّب يده للحنش وهو انقيام=
بعد ماصارت يده في فمه يبغى انجد أيده=
ليته طاوع نصحنا له وطاوع حلنا=

الشيباني + فؤاد بن بطاح
سجلوا حضوري ومتابعتي

ياسلام ياسلام والله العظيم أنهامحاورة تستاهل المتابعه

نقله نوعية للمحاورات و قطبين في فنها
متابعين بتمعّن ,,,

الشيباني وبن بطاح


محاورة جميلة وشعراء على مستوى وكلمات قوية


لكن ممكن تغيرون الموضوع

لكم شهر صبه رده



!!!!

حياكم الله جميع ....
وانت يا سيد الموقف اصبر شوي وابشر بالسعد ...

اسمع
دامنا نبني على منهج وساس متين
ما يزعزعنا كلام الرجال الطايحين
شد حيلك يا زميلي على العليا ,,وسر
الكفو في دربها ما يكل وما فتر
احترم نفسي واقابل خصيمي باحترام
والقصايد بيننا ماشيه حسب النظام
كل شاعر وصله العلم واصبح في بريده
والوفي والمحترم ناهبه..شيخِ لنا

الرد

يالشيباني عد نفسك عداد الميتين=
جاك من يقصر دروبك وجاء لطي حين=
غير ضف قشك وسط ليلك الاظلم وسر=
شعرنا ماءن قراح ن وشعرك ماء فتر=
ياللي لا زدنا غنى زدت فقر واحترام=
كان ما ضمناك لا تحسب إن منك ابنضام=
ضارب ن في راسك افيوز يامطوع بريده=
واحنا لا نهتم لهرجك ولا شي خلنا=

محاوره حامية الوطيس

صحت الألسن والابدان