مشيها مشي الغزال وعنقها عنق الظبي

أخر ماجادت به القريحه شعراً
حبيت تشاركوني فيه
وان شاء الله يعجبكم

....

يالله ياعالمٍ بالغيب وماتخفي الصــــدور
..... يارب حقق لي منـــــاية وحقق مطلبي
..
..
أنا أمتلت روحي وجع وامتلى قلبي كسور
.... والحظ عاندني وطيف الحزن هو صاحبي
..
..
أجور بك من جور الأيام وصعبات الأمور
.... وأدعوك ياربي وأنا يارب غيرك ما ابي
..
..
تجمع قلوبٍ ضمّها أحساس ووجدان وشعور
.... وسهلّ طريقٍ للخفوق يسير به لو هو حبي
..
..
أحبها حب النحل للورد وأوراق الزهـور
.... وقلبي إلى من شافها ينبض هلابك وأرحبي
..
..
في حكيها غي وسوالف عشقها عطر وبخور
.... وضحكاتها مثل الأغاني كنها عزف أجنبي
..
..
فغيابها الدنيا ظلام وموحشة من دون نور
.... مثل القمر لاغاب صار الليل ليلٍ مرعبــي
..
..
أذوب فيها مثل مايذوب البرد فوق الصخور
.... وغرامها منحوت في قلبي كمـــا أمي وأبي
..
..
في وصفها تعجز بيوت الشعر والسبع البحور
.... لكن يابيوت الشعر غصبٍ عليكي تكتبـــي
..
..
حبيبتي لاسلهمت بالعين ياويل الحضــــور
.....كن الرموش تقول بسم الله وصلوا ع النبي
..
..
والشفه العليا تغازل أختها كبــروغـــرور
.....ومن خصرها تعذبت حتى الملابس والعبي
..
..
من شافها يسكر بلا شرب المعتق مالخمور
..... مشيها مشي الغزال وعنقها عنق الظبي
..
..
لامن مشت ودك يطول الوقت أيام وشهــور
....خطواتها بالهون .. هزي يابعدهم والعبي
..
..
أنا اشهد إن الدم في قلبي اذا شفتك يفـــور
.... من لامني والله ان حبك سبـى قلبي سبـــي
..
..
الروح لك فدوه وقلبي لك بساتين وقصـــور
.... واحساسي لك مايٍ قراح إليا ضميتي فأشربي



***

30/4/1432هـ