المرمطة على وصولها

رغم اني ماحب السب ولكن من لا يقدر الناس يستاهل ومن لا يحسب سلاح الشاعر يحصل خير

المرمطة

اهينك ياعديم المرجلة واجرجرك وانهيك
واسبك في فنا دارك ومثلك ما بيحميها

انا شاعر ومن مثلي يجيد الفن والتكتيك
سليل المجد راعي الطيب باولها وتاليها

تذكر كلمتي هذي وما قلته قليل فيك
مصير الوقت يجمعنا وتذكر مقصدي فيها

اذا كان الصراحة همتك ماهمني التشكيك
ولا اسمع من كلام اللي يسرح مايضويها

شبيه الوز والبطة شبيه القهقرة والديك
قليل المعرفة ضايع.. حقوقك ما توفيها

ولا ودي ابين لك علوم في الخفا تبكيك
تثبتها دلايلها وتدري اني مطويها

ولكني بشفر لك رموز كلها تعنيك
تقلبها على كيفك تفككها تخليها

رموز ماتفرق وقتها مابين ذيك وذيك
وانا كنت اتمني اموت ماقد جبت طاريها

بعد ذيك السنين اللي تذكرني دجاج البيك
مصفطة جوانحها ومكفوفات رجليها

اشوف انه لحم عادي ولكن فية نكهة كيك
تعذب قلب قاليها وفلفلها محليها

وهذا شرحها لو تتبعه للموقف يوديك
وتلقا شي ماشفته تخشه في مخابيها

على صفح الجدار اللي يدقه عامل التسبيك
يذكرك العلوم اللي مع الأيام ناسيها

وكانت مقصد السايح وعرضت بيع بالتمليك
وسيمت بأرخص العملة على من حب يشريها

وجاها العاشق التايه منتف ريش ماينويك
ولكن حاط به ذنبه ولايدري بماضيها

انا اقوله وانا واثق وبند الشعر ما يحميك
تجرع سم ما قلته ومخلاتك نعبيها

ترا باقي الذخيرة زاهبة في مخزن البلجيك
وباقي سلة الفيصل من امثالك محنيها

فلا تغتر في نفسك وباقي الكاش غير الشيك
وركز في القصيدة وانتبه وافهم معانيها

وناظر في السماء مره ولد النظر في رجليك
وفكر ويش خالفها وقصر في خطاويها

وكلن يعرف اعلومك ولا احدن يقدر يزكيك
سفيه سافل نفسك على الشينة مربيها

معودها على الغيبة وقذف الناس والتهتيك
تعرضها حتفها وانت ماتقدر تواديها

واذا كان الكلام اللي تشوفة ياغبي يرضيك
ترا باقي العلوم البينة في الصدر مخفيها

على حسب النظام المتبع نعطيك مايكفيك
والى طولتها نكحل عيونك لين نعميها

والى شفت الحقيقة غايبة يا الطخ عن عينيك
ترا توك رجال ماحد يجهل مباديها

وكلمة حق يا فاشل ليا ما وصلتك تغنيك
وانا اثبت كلمتي واصونها يادلخ ما اثنيها

وهذا كل ما قلته يمثل شي من ماضيك
وباقي خزنة الحاضر تشيب راس ماليها

واذا تبغى الدلايل حاضرة ما نحسدك نعطيك
تمثلها ثبوت سابقة بيديك فاليها

ولا لك محرف ومصرف ولا لك حيلة تنجيك
ليا بانت علوم الصدق تدري وين راعيها

عسى الله يبعدك عنا وينتقمك ولا يشفيك
اذا عجزت كوادرنا في العلة تداويها

ترا مثلك يعجز الطب في وضعه ولا نخفيك
ما دام ان المرض عمك فنفسك منت واليها

فلا تبحث مدى الشاعر وحاسب قبل ما يهجيك
وتصبح مضحكة للناس قاصيها ودانيها

الرداد ..
رغم الهجاء والأسلوب العنيف الذي أكتنف القصيدة ..
إلاّ إنها والله ذات بناء رهيب وترابط عجيب ومعاني شاملة ..
لله درك من شاعر ..
ولكن ابتعد عن هذا اللون من الشعر فأنت أرقى منه ..
تقديري لك ..

اشكرك شكر لاينقطع ولا اعلق على كلام ابو ريان لكن الى الامام ان شاء الله

الرادار ,,

شاعر قوي حبك وسبك ,,

وما نقول إلا اللهم حولينا ولا علينا


تحية ودّ أيها الغالي ,,

ابو ريان مديرنا العزيز شهادتك معتمدة وتاج على راسي ونصيحتك مسموعة رغم ان مثله يبي له غسيل كي ومشكور يابو ريان

عبدالرحيم العمري مشكور على المرور ويشرفني

سعيد عوض العمري الشاعر القدير الزميل العزيز مرورك يعني لي الكثير ومشكور على المرور

وبيض الله وجيهكم جميع

الرادار

بارك الله فيك يا غالي

لا هنت

ولا تحرمنا جديدك يا غالي

اوسكار مشكور على المرور وبارك الله فيك