**وداعة الله مابقى للغلا روح**

وداعة الله مابـقى لـلغـلا روح

وداعــــة الله مـابـقــى لـلـغــلا روح

وش حيلـتـي والعـشـق يـنـزف وريـــده

سامـح حبيبـك وانــت معـفـي ومسـمـوح

لـكـن طلبـتـك تسـمـع اخــر قـصـيـده

قصيـدة(ن) خـذهـا عـلـى شـيـك مفـتـوح

مـن واحـد(ن) ماقـد نـشـد عــن رصـيـده

فقـيـر مــال ولـكـن انــه غـنــي روح

ويـمـلـك مفـاتـيـح الـحـيـاه السـعـيـده

لــو ان قلـبـه لاخـفـق كـلـه جـــروح

ولاهـو مــن اصـحـاب القـلـوب البلـيـده

يحـزن لـحـزن الـنـاس ويـسـج ويـنـوح

ويفـرح لكـل الـنـاس لــو هــي بعـيـده

ومـن منطـلـق ســر العـلاقـات والـبـوح

بعـلـمـك شـــي(ن) عـســى تستـفـيـده

يمكـن تـمـرك سـاعـة الضـيـق وتــروح

وتـقــول عـــدت واللـيـالـي مـديــده

وانــا اقــزر ضيـقـة فـراقـك مـــزوح

هــذي سـنـه والعـلـم عيـيـت اصـيــده

عقبـك قصـيـدي يسجـعـه نـايـح الــدوح

وعقـبـك تـــرى ماللـشـرايـد شـريــده

وعقبـك لـو اخفـي ضيقـة الصـدر مفضـوح

كـلــه لعـيـنـك يـالـمـهـاة الـفـريــده

مـضـرم علـيـك ودلــة وصـالـك تـفـوح

فــي جنبـهـا جـمـر وتحـتـهـا وقـيــده

والحيـن تبغـى الـوصـل والا تـبـا تــروح

بـعـد سمـعـت اغـلـى واخــر قـصـيـده

,,,

وســـــلامـــــتـــــكــــــم

اتــــمنى انــي وفـقـت بـمـا نـقـلـت

وعـســاهــا تــنـــال اعـجـابـكــم

وتقـبـلـو فـائــق الـــود والاحــتــرم

والحيـن تبغـى الـوصـل والا تـبـا تــروح

يآآآلبية ..

كنت هنا

يعطيك العافية ..

تقبل مروري (:

خالد البقمي
هلا وغلا
الله لايحرمنى طلتك الحلوه
واشكرلك تواجدك ومرورك
لاهنت ياغالي

اختيار رائع يا أبا صاهود ..
لاعدمت هذه الذائقة ..
تقديري لك ..

ابوريان
اسعدني مرورك
اسعدك الله
لاهنت ولك احترامي
وتقديري

القلب الموجوع
هلا وغلا
اسعدني مرورك
وشرفني
تقديري واحترامي

ابو صاااهود


هذا انت دائما


اختيار راقي وطرح موفق

ذائقة جميلة لحد الجمال

لا تحرمنا جديدكـ

بانتظاركـ دائما

إختيار راقي ابو صاهود
شكراً لك ولذائقتك الجميله

مودتي ولاعدمنااك

ابو صاهود وش ذا الفن والابداع
يعطيك الف عافيه على هالمشاركه
تحياتي لك .,.,.,