يــــاكـــثــــــر اعـــــــيـــــــادي ... !!

#1 09-11-2010, 01:10 AM

السلام عليكم ورحمة الله وبركاته
( كل عام وأنتم بخير )

..

العيدعندي عادي دام السعادة عادة !
...............ولولا المخافة والله ل/اقول ما له داعي !
العيد فرحة غيري وْللمسلمين اعباده
...............وانا السعادة جتني ماخذتها بذراعي !
الله وهب لي واحد افرح معه ف/اعياده
...............معة يا كثر اعيادي لو تعرفون أوضاعي ..
العام في ميلادي وقبل امس في ميلاده
...............واليوم يوم يسولف عن ضيقتي واوجاعي!!
وإليا وصلني طيفه بالضبط في ميعاده!
...............وإليا بدا يشكي لي من حاجةٍ ف/اطباعي!
وان قام يشغل بالي والشوق فك اقياده
...............وإليا لمحته جنبي وإنهلّ فيه ابداعي!!
وان ردّد أول مقطع من أغنية ( ميّادة ) !!
...............وإليا همس ب/احساسه وْقمت أفلّ اشراعي!
وأنا يا سيّداتي يا أهل الهوى ياساده
...............لوتشعلون الساحة في الحب صعب اقناعي!!!
والله ما اردّ اشعاري وافكارها منقاده
...............حرام المّ احساسي واخفيه بين اضلاعي!
ب/اجلس معه واصنع له مْن الحروف اقلاده!
...............والى مدام افراحه هي غايتي واطماعي ...
العيد له عيدية !! وإن كان يبغى زيادة ..
...............العيد كل زفّة وانا الكريم الداعي !!!!!