يوم التعاسة

يوم التعاسة

ول يايوم التعاسة وجعلك ما تعود=وش تبي مني عسى الله لا يجزاك خير
كل ما جيت اتلاشا وتبعد من الوجود=قمت تبدي لي وتضحك معي صبح وعصير
لين قاربت المحاني وعديت الحدود=وابتديت اتغوص في غبة البحر الغزير
مادريت ان اتكالي على الرب الودود=بيده ارزاق الخلايق وتحديد المصير
التجي به واتحصن بذكره مالحسود=لو توقف خطو الأقدام من حث المسير
واتعجب في ظروف الزمن سحم وسود=كيف تاقف في طريقي وانا باقي صغير
ما استحت مني وهي تدري إن عندي جنود=تحتمي وتزوم بالطيب لاسج الضمير
من ينابيع تزود مراهيها العدود=غيلها له في حبوس الوفاء وسم وخرير
ماتوقفها العقوم الكبيرة والسدود=وما يصلها راعي الدلو بالحبل القصير
والبروق اللي تلامح وتقفاها الرعود=مايميزها العمى مثل تمييز البصير
في مزون ساقها من المناشي هب نود=لين سدت بالعطاء كل محتاج وفقير
واخضرت الأشجار منها وندى كل عود=وشمخت الأغصان فيها وميلها الثمير
واكتست كل الخمايل وزانت بالورود=واستضافت في محاضينها خير وفير
وانت يايوم التعاسة بعد تبذل جهود=ماتشوف الحق في القمة العليا منير
تتقي في حجة مالها عندك شهود=واتهددني بها وانت في وضع خطير
لكن افهمني وجنب مواهيبي وذود=لو جناح الصقر مكسور مايقدر يطير
والعيون الثاقبة بالنظر ترقا سنود=مايشتت نظرها الجور والوقت المرير
والمثايل والمعاني تراودني وفود=مالها الا اسوقها سوق مقطوع النظير
والثقة تبطي تقصر خطاويها القيود=والهموم اللي تحاول تماديني تحير
شاعر ماحن بالمعرفة قبس الزنود=وامتلك سيف على من يعاديني شطير
سيف عز في اللقاء من بريعات الحدود=ما تعيبه الندايب ولا شكل الجفير
والحكم يصغي لها العقل والفكر الشرود =والزمن باقي يروغ ويدير ويستدير
قالها اللي يحكم البدع ويعز الردود=شاعر لا ما قدم يستشير ويستخير
والمواقف تثبت الحق من عهد الجدود=يوم كان الوقت يسمع شهيقه والزفير
ما لحقنا في مواقيفنا شك ونقود=عزوة يحسب لها في الجمايل والمغير
روس قوم ابني عمر رمز طيب وساس جود=فعلنا يشهد لنا واسمنا يبقى كبير
ما تشبهنا بقوم النصارى واليهود=عزنا الله بأمن الايمان والدين اليسير
والقبايل قدرهم ما ينقص والبدود=بلغوهم ياهل العرف مضمون الذمير
واسمحوا القلب المعنا على مبنى القصود=ما ظهر من جوفه الا قليل من كثير
والختام انهي بيوتي على حسب البنود=واتحصن لا يترجم مغازيها الخبير

صح الله لسانك يا الرادار

قصيدة وافية من راس وافي

بيض الله وجهك ونرقب جدايدك طال عمرك

اطيب التحايا للجميع

مـا لحقنـا فـي مواقيفنـا شـك ونـقـود
عزوة يحسب لها فـي الجمايـل والمغيـر
روس قوم ابني عمر رمز طيب وساس جود
فعلنـا يشهـد لنـا واسمنـا يبقـى كبيـر
مـا تشبهنـا بقـوم النصـارى واليـهـود
عزنا الله بأمـن الايمـان والديـن اليسيـر
والقبايـل قدرهـم مـا ينقـص والـبـدود
بلغوهم ياهـل العـرف مضمـون الذميـر

وافيه من وافي يابعدي
صح الله لسانك مليون ولايكفون
إلى الامام يابعدي وإمتعنا بجمال مشاعرك
لاهنت ولاعدمنااك

إحترامي

مـا لحقنـا فـي مواقيفنـا شـك ونـقـود
عزوة يحسب لها فـي الجمايـل والمغيـر
روس قوم ابني عمر رمز طيب وساس جود
فعلنـا يشهـد لنـا واسمنـا يبقـى كبيـر
مـا تشبهنـا بقـوم النصـارى واليـهـود
عزنا الله بأمـن الايمـان والديـن اليسيـر
والقبايـل قدرهـم مـا ينقـص والـبـدود
بلغوهم ياهـل العـرف مضمـون الذميـر

الرادار

صح الله لسانك ...

وبيض الله وجهك ...

قصيدة اقرب ماتكون الى المعلقة ...

ننتظر القادم والاجمل والمميز منك دائما ...

تحياتي

الرادار

ابدعت ايها الشاعر
فعلا اخذتنا في قنوات المعاني وكاننا نتابع سيل يشق طريقة بقوة منحدرا من اعالي الجبال ليصب معناه الاخير في المكان الذي اعد له !

هكذا يكون الشعر ، وهكذا يكون الابداع !!

كان لديه نيه ان اقوم بشرح القصيدة والتعقيب عليها ونقدها نقدا ادبيا بذائقة ادبية حتى وصلت الى اخر بيت وكانك على طريقت اهل الديرة قلت :
(مقروع )
والختام انهي بيوتي علـى حسـب البنـود
واتحصـن لا يترجـم مغازيهـا الخبيـر

لما لا انه من ابسط حقوقك ايها الرادار !!!

ولكن وللأمانه القصيدة
كلها
بيت قصيد من اول بيت وحتى اخر بيت

كان هنا
حكيم المنتدى

"وَلْ يايُومْـ التَعَاسَه وَلْ "

وآنْتْ يا رَآئعْ لا تَقِفْ

تَحِيًه بحَجْمـْ روعَتِكـْ

الرادار ....

دمت لنا شاعر كبيير ...

وصح لساانك .. مليووون ..

وونعم فيك .. وما سكبت ..

تقديري لك