يـاطـول صـبـري

ياطول صبري عليه وما اطول المدّه
والنفس مابين مأمورة ومنهيه


الحب والشوق والضيقات والصده
حطت على وجهي المغبون ماريّه


احدٍ زها له سواد الخال في خده
واحدٍ بخده من هموم الدهر كيه



يقفي به الشك صوب اللوم ويرده
واذا رجع مالقى الا رسمة ثاريّه


وتزيد به ضيقة العشاق وتهده
يبكي على حاجة ماهي بمبكيه


يزل واقول يمكن ماهو بوده
غلطة ويمكن على ماقيل عفويه


حتى ولو قالها قاصد ومن جده
يشفع لحاضر غرامه زين ماضيه


اعشقه واشتاق له اهواه واوده
ومن الغلا نسبة المليون فالميه


ألد عيني لكن ماهيب منلده
هو اول الحب في عيني وتاليه


غر قلبي على النسيان واحده
لاشك عيا من النسيان موليه


عزي لحالٍ على فرقاه منحده
وعزي لقلب الا من حل طاريه


يتوق توق الوحش في كف من هده
لاطار مالد عيني صوب راعيه


ياشين فرقى اللذي تغليه وتوده
لاصار حيي ولاتقدر على جيه


ياجعل ربي يصبرني على الشده
لين مايجتمع غالي... وغاليّه


لو طال صبري عليه وطالت المده
ياحيي شوفه قبل لااموت ياحييه


"للشاعر حمدان المري"

اعز النآس فارقني ..,,’’

رآق لي مآ تذوقته هنآ ..
من بوح عذب ومشآعر رآقية ..
سيدتي ..
مُذهلة بذآئقتك الجميلة الممتعة ..
لآجديد سوى تميزكِ يآرآقية
دمتِ بألف خير

بقآيآ حلم

شكرا لمرورك الراقي ياراااقي