الإهداءات |
|
|
|||||||
| التسجيل | التعليمـــات | التقويم | مشاركات اليوم | البحث |
| همس القوافي خاص باطروحات شعراء وأعضاء المنتدى |
 |
|
|
أدوات الموضوع | انواع عرض الموضوع |
|
الإهداءات |
|
|
|||||||
| التسجيل | التعليمـــات | التقويم | مشاركات اليوم | البحث |
| همس القوافي خاص باطروحات شعراء وأعضاء المنتدى |
|
|
|
أدوات الموضوع | انواع عرض الموضوع |
|
#1
06-23-2010, 03:28 PM
|
|||||||||
|
|||||||||
عدة ابيات من 1000 بيت
يالله يا عالم خفا هبت النود=اللي توجه بالسحب من مناشية بارك مخيلٍ جاله ارعود وابروق=واسق الديار المسنية من مراهيه ----------= افتل الحكمة واصيغ احلى فرايد=ما اتسمع هرج ناس في الروادي والبحر عندي ليا ما هاج بايد=والبحر مايومن لا عاد هادي من طبايعنا ومضمون العوايد=غمرنا في راس ريع الطيب بادي -----= ان صرفنا يشهد الله مانقصنا من الرصيد=وان مشينا ما تضيقبنا المعابر والوي ولانتزلج لاحدنا الوقت من فوق الجليد=ثابتين في مكانٍ بالشهامة محتوي ----------= المزون اشوفها لكن مافيها رعود=والبروق اشوفها لكن تبطي ماتلوح والسنة وايامها مابين بيض وبين سود=اصبح الحاضر بخيل وصار على الماضي ينوح ----------= الشعر ما يحتاج شكٍ وتطريز=لكن قول انسان يثبت بالأفعال والقوة اللي مالها جيش تعزيز=يخسر عليها صاحب الشان من المال ------------= ودعتك الله والله ايكون واياك=والله يتمم لك حياتك سعادة اهم شيءٍ عندي العذر وارضاك=والله يفكك من حياة النكاده -----------= يا سامعين الصوت نظري تشتت=مابين حسّاد الديار وفسقها ونخلة افكاري من الهم حتت=واعذوقها مالت وهلت غسقها ------------= الله اكبر يازمان الشقا مرك حلا=كم نوخت الركايب وقطّعت السيور لين جرع من نوى للقاء غيرك بلا=وابتدى دوس الصعايب وودعت السرور في زمان فيه وضح النقا جرك على=فعل ماتبغى الحبايب مضيقت الصدور -----------= من قل مافي يدي من الناس متخبي=والراس يومي لحاله ماله اجنوبي والشعر تعبير لأهل الطيب ينعبي =لا وصل مندوب شاعر جاه مندوبي من هيضي اللي بوسط الصدر متربي=مع هل العرف والطولات محسوبي مانيب لاعنترة ولانيب متنبي =لكن يعرف بنا جدري من الطوبي وامشي مع اهل الكرم لو كنت متحبي =ولا اتعذر الى منّه حصل نوبي -------= ماكل من طب وسط البحر في البحر عام=ولا كل نفسٍ تعوم بساحة اغراقها ------= سمعت وتر الحنين بصوتك الدافي=جريت لك من همومٍ كنت كاتمها يامبهج الروح يانبع الهواء الصافي=ابن المحبة على كيفك وهدّمها ----------= يوم الدروب اشوفها بكل الصحافة والنشر=تفتح لناس بابها وتردني عن بابها احاول اقنع مير ماحصلت لي باب وعذر =عن مهنتي اللي ما كشف غدر الزمن جلبابها -------------= ياوجودي وجد من حده زمانه والدهر=ينتظر جيش الهموم يهاجمه ويحاربه وجد عودٍ حافته دنياه وافناه الكبر=عادت اضلوعه من اصدوف الزمن متقاربة --------= اثر الكلام ايطير لا هبت الريح=لا صار ماهو في مناشي محله واثر البحر الأحمر بجنبه تماسيح=تمشي مع العالم على غير مله -----------= الله اكبر يا غزالٍ كان في المحمية=عاد في روس المتالف كن ماله والي يعترص مارد نظره والمشاعر ليّه=ولا درى وشهو رصاص القانص المحتالي ينتظر حتى تفاجيه الذخيرة حية=من لسان اللي صرفها من العيار الغالي ضربها يفرق عن البلجيك والنارية=لا ضرب نقالها لول يموت التالي ---------= الكرم والجود فينا من سنين=والدلي من مدة الطارف ملي وان طلبنا ما قصرنا في اليدين=وان لفانا الضيف كبينا طلي وان لفتنا نظرنا ليت اليمين=ما نسج النظر في الأرض الخلي -----------= فيه ناس مواقفها تجملها=وفيه ناس تجملها مواقفها وفيه ناس توقف ما تكملها=وفيه ناس تكمل ما تكلفها ------------= ياهيه خاف الله ولا تفتن الروح=يكفي يعيش بدنيتك شخص عادي لا تحسب ان هذي سواليف وامزوح=خيال شاعر هايم بكل وادي انا فوادي مثل مافيك مجروح=لكن يكفي انك معي في فوادي وانا معك ضد الزمن دون مصلوح=ماني مخطط لك ولاني معادي حبيت قلبٍ بين الأضلاع مفضوح=تلعبه الدنيا على جمر هادي والعلم واضح والسبب عاد مشروح=مثل العلم في شامخات المبادي امّا تسامحني وانا اقول مسموح=وتجلي تلاوين المزاج الرمادي والاّ تخلي القلب بالحب مجروح=والرزق بيد المكتفل بالعبادي ------------------= من شاف رزقه تو عينة ماجرى =ومن حط سعره ع السلع ما باعها والربح حدّه فوق سعر المشترى =والناس تشري حسب شكل اقناعها -----------= لو كل مافي البال ياجي على الكيف=ما كان جمر الهم في القلب وقّاد ولا كان حسبت الشتاء مثل ما الصيف=ولا دمحت لزلتك يابن الاجواد --------= الأدمي لابد له يوم موعود =ويغادر الدنيا ولا فيه عودة والقبر توه بالمسافات محدود=فلا ايتعدى في حياته حدوده وتاليته ايموت ويدنّه الدود=ما ينفعه في القبر ملكة وزوده يصبح من املاكه بدنياه مجرود=الاّ العمل يدخل معه في لحوده ------------= الضيم لاجار باصدور الهواوية=خلا عروق الهوى ترعى حدايبها واظهر علوم تخفت وسط محمية=وافتك بعض اللزايم من نشايبها الين شفت الدروب السمح محنية=ماعاد تمشي الركايب في عقايبها -------------= دور من اهل الطيب تلقا معاريف =وتشم ريح الورد والمسك والكاد اللي نواياهم بروس المشاريف=واللي فعايلهم على عز الامجاد ولا تغرك ضحكة اهل المشاليف =اللي حواكلها على الغيبة احداد ناس تربت في حواش المظاليف =الين عادت في دنا الهرج تنقاد مقسومهم عند الحقيقة تناتيف= لا قامت الهيجاء على غير ميعاد -----= الغبن بين على وجهي علاماتي=واللي في الصدر سجلته بجوالي يبقى خبر حي يحيي الذكر لا ماتي=والنسخة الثانية في الحاسب الآلي ------= ماني بجاهل والنقط بحروفها=والحق ياهل الخير من مبداه نور قومٍ توحد علمها واصفوها=انا مساندها وطايع كل شور ---------= والله اني ما اقتصر في الحقيقة لا بديت =واجب ان اكسب رضا الناس واكسب ودها شاعر ماحن بيت القصيدة لانويت =اسمح اسهوم المحبين والاّ اصدها ---------= مانسيتك يابن الأجواد والله مانسيت=مير باقي بغبة البحر احاول للطلوع والثقة بالله رمزي وبالله التجيت=وادمح اصدوف السنين الردية في سبوع ليتني مابعت في سوق الأسهم واشتريت=كان ما غيرت وضعي وغيرت الطبوع -------= بعض البشر في كلام الكذب هماز=واشارة الكذب في وجهه وسيمة يمشي على الشين كنّه فوق معكاز =مافيه مني ولامن الناس شيمة وايصاحبك لادرا انه عاد معتاز=وتحسب ان نيته مثلك سليمة ------= مادام باقي المثايل فلة احجاجي=قمة بلا ساس يأهل العرف تنقضا والعلم واضح ونور الحق وهاجي =ماسرمد الليل حد القلب ما اجتضا -----= الله ايقدي لساني على الهرج الجزيل=وارضي اصحاب الجمايل وادور ردها عادتي بالصدق والصدق ماغيره بديل=ماتغيرني مزوح السنين وجدها ---------= عيبٍ علي اظهر مفاتيح الأسرار =من شان ما اضحك عاشقين السواليف اللي مهمتهم على نقل الأخبار =واهدافهم فرقا القلوب المواليف ------= ياما تعرضنا الخطر والمجاعة=وياما تعرضنا لشين المقاعي والنفس يابن ادم تراها وداعة=يسألك عنها الله يوم الوداعي -----= يااميرنا انشهد انك تبريت=من البخل ومن الحسد ومن العذاريب وانشهد انك في الجمايل تعديت=وحطمت رقم الجود واسرفت في الطيب يالشهم يا الزيزوم يا ذايع الصيت=يا الصقر يا المغوار يا السيف يا الذيب ------= ما اجامل الخاين ولا اضرب له احساب=اللي على ربعة لسانة طويلة وابعد عن اللي للمخاليق يغتاب=واتجنب اصحاب العلوم الرذيلة --------= الى اعتذرت اعرف مواجيب الأعذار=واعرف سلوم اهل الوفاء والمعاريف امجملين المحتزب من هل الدار =ومقدرين الكفو والجار والضيف يامن بهم راعي المهمات لا سار=ويزبن بهم عند اللقاء والمواقيف -----= يا زمان الهجر وشلك ما هجرت الاّ الحبيب=ماهجرت الناس غيره شتتوا قصة حياتي لا تعبت اروح وين اروح ماغيره طبيب=كلمتين من لسانة كنها سكر نباتي من نظر عيني يغيب ومن فوادي مايغيب=واتصبر جعل ربي مايخيّب امنياتي -------------= شاعر وبيني وبين جور الزمن ثار=لاما قضيتة ما علية تخاويف برد الشتاء يحكم علي اشعل النار =والاّ اتمنى اني بعد في عنا الصيف ------= لا بد ندمح ونتصبر ع المصايب والصدوف=والصبر يفتح مكربات ما نعرف اقفالها من شان مانضحك محبين المعازف والدفوف=اللي على كسر الكفو تسمع قريع اطبالها ناس في المتقا كبار مير في المبدا ضعوف=اتروغ في وقت السعة من خوف بعض ازوالها مالي ومالك ياقبيل المعرفة فيهم شفوف=ما للحمول الاّ جملها والجمل شلالها مد النظر واسمع ترا مادام مايلحقك خوف=وتشوف رسمات الزمن بأشكالها والونها في وجه من راسه صمد من بين دنفان الكتوف=اللي تكف ايمينها من كثر مد اشمالها لكن حطيت النقط يا صاحبي فوق الحروف=يالعنبوها غترةِ ماتلتزم بإعقالها --------= لو كان ماللصقر جنحان ما طار=ولازبن في عاليات المشاريف -------= ابني عمر اهل الكرم والمدايح=الكل منهم تاهبه ع الجرايح وتشوف صف القوم هارب وطايح=قوم في الهيجاء يحارب ولدها جماعتي ربعي عصابة راسي=اللي لهم تاريخ وقتٍ قاسي اللي غدوا للترك ضربٍ راسي =يانعم قومٍ تحمي في بلدها ------= ماكل بحرٍ تصافق فية الأمواجي =تلقا بشاطية مقضا حاجة الغرضا واللي صرف من كلامه وصفة اعلاجي=الواجب ان ايتمهن حاجة المرضا والواجب انه يساند كل محتاجي =ماودي انه يكمل خطة الحرضا -------= اللي يغبي الحق ماهوب منّا=اقولها واثق ومثبت كلامي والشك علم الحق يبعده عنّا=عيبٍ نخش الروس مثل النعامي -----= بمناسبة عودة فضا الخير سلطان=اللي بخيره عم الأقصا والادنا كل معه في خاطرة نظم قيفان =واحنا مع الشعار نعطي جهدنا -----= يا حاسبين ان الجمايل بالألفاظ=ترا الجمايل بالفعول الجزيلة ماهي بحملٍ ينتظر وقت الأجهاض=والاّ علوم فعلها مستحيلة
|
|
06-23-2010, 03:34 PM
|
#2 | |
|
شاعر قدير ومميّز
|
الرادار
صح الله لسانك .. وبيض الله وجهك .. ابيات تستحق الكتابة بماء الذهب ... كل الود |
|
|
|
|
06-23-2010, 03:39 PM
|
#3 | |
|
عضو قدير وصاحب مكانة بالمنتدى
|
الرادار
رااااائع عسسى ربي يعافيك لا تحرمنا هذا التواجد العذب كل التحاااايا |
|
لستُ مجبوراً أن أُفهم الآخرين من أنا فمن يملك مؤهِلات العقل والإحساس .. سأڪَـون أمـامهُ ڪَالكِتاب المفتـوح وعليـهِ أن يُحسِـن الإستيعاب .. وٍإذا طـال بي الغيــآب فَاأذڪَروا ڪَلمآتي وٍأصفحوا لي زلآتي 
|
|
06-23-2010, 03:48 PM
|
#4 | |
|
عضو ماسي
|
الرادار
صح لسانك وفالك الطيب والنوماس دايم .. لاعدمناك على هذه الأبيات التي تشبعت بالشاعرية .. تقديري واحترامي لسموك الكريم .. |
|
|
يوسف آل عايش 2004 -2011 ©
|
|
06-23-2010, 09:25 PM
|
#5 | |
|
radar
الله يعطيكـ العافيهـ ماقصرت يالذيب |
|
 الشوارب تنفتل وقت اللزوم ولا يجيـب النايفـه كـود الولـد والرخوم رخوم لو قامت تحوم مرجـعـه لـلـدم لامـنـه بـــرد
|
|
06-23-2010, 10:13 PM
|
#6 | |
|
شاعر مميز
|
الرادار
بيض الله وجهك .. يااا شاعرنا الكبير ما شاء الله تبارك الله |
|
|
مدام الضحك بعده ونة ٍ تملى الملامح , ليش ؟ م اقول ان الضحك مهد البكاء ,يرحل ويرجع له أنا ما بين افضفض لين أضفضف عبرتي بشويش احس ان الحروف ان جيت ابكتب فيك: مشتعله غارم العمري
|
|
06-26-2010, 09:30 PM
|
#8 | |
|
شاعر مـمـيّز
|
جبرني الوقت
عمري ولاحد قدي يوسف العمري ابو ليلى المهلل ابو غرام ابو ريان اشكركم جميعاً على المرور وشهاداتكم فخر لي ولكم مني خالص الشكر والعرفان |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| في يوم عرفه .. خذ اجر 1000 صائم .. | نواااااره | المجتمع المسلم والفتاوى | 6 | 10-26-2012 12:26 AM |
| 1000 مبروك الزواج | الشقي | أفراح بني عمرو | 13 | 04-10-2012 10:38 AM |
| مرحباً 1000 | c a s a n o v a | مجلس الأعضاء | 14 | 04-13-2010 07:53 PM |
| 1000 مبروك | عمري انا | أفراح بني عمرو | 10 | 10-29-2009 09:26 PM |
| 1000 .. 1000 مبرووووك .. | العناااا | مواضيع الحوار والنقاش | 6 | 04-30-2004 11:38 AM |
العرض العادي
