عن آذنـك ! بـرحل لـدرب آلغيـآب آللـي ينآدينـي . .

.
.
.

على أمـرك يابعـد نبض الخفـوق وهاجسي ومنـاي
.................... مـدامـك ماتبي وصلي أنا وش عـاد يبقـينـي !

أبحفظ مابقى لي من كرامـهـ واستحـث خطـاي
.................... على درب الغيـاب ووين مـاودى يودينـي

وإذا هـفـهـف على صدري هـواك وحـدّني لاقصـاي
.................... دعيت اللهـ يطّـمن في بعـادك قلبي وعينـي

وطلبتـهـ مثل مامكّـن [ غـلاك ] وثبتـهـ بحشـاي
.................... يشيـلهـ من معاليـقي قبل لا الوجـد ينهينـي

حسافـهـ كنت أحسب إنك تقـدّر طيبتـي ووفـاي
.................... وعلى الأقل احتمـال تراعي اللي بينك وبيني

توقعت إنك أخلص من عرفت وشـفت في دنيـاي
.................... أشـك بكل من حولي ووحـدك ماتخلينـي

طلبت البعـد في وقـت أبيـك تكـون بـهـ يمنـاي
.................... بعد ماجارت أيامي علي وحارت يدينـي . . !

ولايخفاك صكّـات الزمـان وما حصـل ويـّاي
.................... ولو مافي يـدك حاجـهـ وجـودك كان يكـفـيـني

توفي لو بعض دينك إلين أوقـف علـى ماطـاي
.................... لعل يكون لي [ صبـر ] على الفرقــا يقدينـي

على كل حـال ماينفع ملامي لك وكثـر حكـاي
.................... عن اذنـك برحـل لدرب الغياب اللي يناديـني

.
.
.