ســعوديـــــــــه ويـــونـانــــي!!!

[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=80char="" num="0,black" filter=""]
أدور للمدينه في خيال حطّه افلاطون=سعوديه ولكني بعيش بحلم يوناني
بعيش بحلم يرفعني على روس البشر وامون=واصير اكبر من احساس السنين الميت الفاني
اصير اكبر من أرتام تشكل بالنهايه لحون=نرددها اذا اشتد القهر لادان لاداني
ابتفرعن واصير اكبر من اني انحسب فرعون=بصيراكبر من اثار القتيل وحجة الجاني
بحاول اجعل الدنيا بلا اهه ودون ديون=مافيها حقد ولايسكن ثراها واحد اناني
ابيك تكون يالقاضي مع "الونه"عضيد وعون=على اللي حيل حطمني وزاد سنين حرماني
احط احلامي بكفه ويحلف للغرام يصون=وانه مهما يحصل له ابد ماراح ينساني
حكا للناس عقلني وهو زاد الجنون جنون=وانا لجله ابتفاخر امام الناس بجناني
بنى لي وسط اضلاعه خنادق غايره وحصون=دخلت فوسط خفاقه ولا ادري وين وداني
هربت من الوريد اللي يقيد قامة المسجون=عشان القى مفاتيح الخلاص بوسط شرياني
اسير وكن ماتحت الحواجب منخلق لي عيون=طريقي معتم ورجلي اذا بسير تعصاني
ادور اسأل صديقاتي واردد يابشر تكفون=انا ويني ماعاد ادري ولا ادري وين بلقاني
ادورني مابين اخر مدارات امتزاج اللون=ولكن للاسف اني ماعاد اشوف الواني
سواد انصب في عين(ن)حوت قبل الفراق الكون=تسربل في الحشا لين السواد بصمت اعماني
بغيت اعيش لكنه قتلني وابتسم بالهون=ذبح نصفه قبل لاكمل بقلبه نصفه الثاني
ذبحني وارتفع راسه على بيد تسمى متون=دخيل الموت غني لي بودي اسمع اغاني
تراي اسمع تراتيل العروق بداخلي يبكون=واحس اني عشان احيا لزوم اقيد لساني
ثلاث ارباعنا حنا البنات نموت ما تدرون=نحب بصمت ونواجه جنون الشوق ونعاني
ندور للمدينه في خيال حطّه افلاطون=سعوديات لكنا نعيش بقلب يوناني
[/poet]


اتمنى تعجبكم :
للشاعره:
"الونه"

تحياتي لكم:
منـــــــــــــــــــ اووووووش ــــــاوي
ff)