شباب 2000

يالله ياغافر ذنوب عبادك المخطين
اله بأمره الكون وجميع حواه يدرج له

قريب مستجيب يسمع ويوحي دعا الداعين
ليامنه دعاه الي براه الهم فرج له

له الفضل وله الحمد وله الشكر وله التذعين
اصلي له وصومي له وكل عبادتي لاجله

ليامنه ذهب ثلث من اليل وبقى ثلثين
توجه له قلوب من مخافة ربها وجله

وانا الي هيج اشجاني وحركها شباب الفين
شباب عن دروب اسلافه العليا قصر رجله

يروم المعصيه ويحبها ويخالط العاصين
يموج به الهوا معا رايح امواج تماوج له

يحسب ان التقدم والمراجل صحبة الغاوين
تشوش افكاره وترخل معا افكار تراهجله

يحسب ان التقدم عندهم مرافق هل التدخين
كرامتهم لهم مثل السجاير شر تخرج له

شلة لاعندهم دنيا ولابه دين
تماري بالمعاصي غير مهتمه ولا خجله

عطالك سكة يسرى ودرب الغانمين يمين
تياسر والدروب العوج طبع له ومذهب له

على محارم الخلق اطلق لسانه وهد العين
تغنج له ببنت رجال يبغاها تغنج له

يقول لها انا الهايم انا المغرم انا المسكين
انا الي من هواك ومن غرامك قارب اجله

عيوني دمعها يجري من فراقك على الخدين
تعالي وانظري في حالتي بعيونك النجله

تميزو بالنعومه واصبحو حب حب على السكين
بهرج الطيبات الفاني يتهرج ويهرج له

ليامنه تكلم في المجالس في كلامه لين
علوم اهل الشهامه والمروه ماتخارج له

يبيله واحد مثله يناسب له على الوجهين
يناسبه بتميع هرجته ويناسب له

الا ياعزتي للي ربوه وعيشوه سنين
يبونه طير حر لانزح لسباقه ادرج له

يبونه طير حر ينغزا به في القسا والين
لقوه على عفن الجيف من ورا دجله

انا ماني بعم استثني هل النخوه الدربين
شباب نور الايمان ومصابيح توهج له

الا وين الشباب الي يخلد منهج الماضين
شباب امته في وقتها الحاضر احوج له

الا وين الشباب احفاد ابو بكر وصلاح الدين
شباب ماتغره المغريات الي تروج له

للشاعر مشعل الشيباني

سيد الموقف

سلمت ودمت براحة بآل

اشكر لكـ نقل هذه الرائعه الى هنا

لا هنت يا غالي وننتظر جديدكـ القادم

تقبل خالص تحياتي

عمري ولا احد قدي

عمري ولا احد قدي


اشكر مرورك اكثر من رائع


لك شكري وتقديري

""أبيات رائعه جدا""
سلمت على النقل الأكثر من رائع