الى الأمير سلطان بن فهد+ الهلال 13 سنه بدون بطولة+النصر مهزوم بـ5 وريال مدريد بـ 6 ..

بسم الله الرحمن الرحيم






طبعا اخواني الرياضيين شبعنا من كلام وسب وامور لاتليق بالعقلاء ممن يعي ويعرف ويشجع كرة القدم( أقصد بعض الكتاب ) ..


طبعا عندي نقاط أحب اطرحها فقط وابينها لمن يجهلها ..

الان لايخفى على الجميع اننا في عصر الاعلام ..

قوة الاعلام الهائله اللي بدات تحرك دول وتهز اخرى .. حروب اعلامية تصل الى حد زعزة امن الدولة وهلاكها ..


ليش اقول الكلام هذا كلله ؟؟ فقط من اجل ابين نفوذ الاعلام وكيف يستطيع ان يغزو الناس ويغير مفاهيمهم واتجاههم ويدلس عليهم الكثير من الامور الحقيقية ..

يظهر امور ويتجاهل اخرى .. وبعض الناس تنطلي عليه تلك الخدع الاعلامية ,, فتراه يشاهد قناة واحدة فقط لموافقتها لهواه .. او صحيفة معينه لانها تظهر المحاسن وتتجاهل العيوب وتخفيها .. وتسب وترمز بالسوء والسب الغير المباشر للطرف او الاطراف الاخرى ..



نقآآآآط ع السرـيــيــيـــيــع .. وبـكل صرآآآحه .. وبدون خجل ..


* الى صاحب السمو الملكي الامير سلطان بن فهد رجل الرياضه الاول .. الاعلام السعودي ينحدر الى الهاوية .. الكرة السعودية سوف تفقد بريقها وسمعتها .. الأعلام السعودي في تحيز واضح وصريح ..


* جريدة الجزيرة جريدة الرياض القناة الرياضية السعودية .. الى متى ..؟؟ يعني على سبيل المثال الليله اللي هي ليلة الاحد 12 /5 اشاهد القناة الرياضية والمذيع في مدرجات الهلال ويسال ويتكلم وكم النتيجة وواش تتوقع ؟؟ والاغنية ياهلااااال يااااهلاااااال اثناء المقابله .. شوي والا تصير الكاميرا على جمهور النصر اللي طالعين من الملعب ونغمة حزينه وصور مشجع يبكي مادري مسوينها مسرحية والا واش سالفته وبعدها تجي لقطة على الاسعاف مكتوب حالات اغماء في جماهير النصر(( يعني لو كان المقاطع هذي وقت المباراة ممكن نقول القناة تنقل من ارض الحدث مباشره كل مايجري لكن تجيب لقطات زي هذي اسعاف واغماء .. واش القصد منها ؟؟ ..

تقول الهلال يستاهل وفاز بـ 5 أهداف صح .. لكن ليش ماتذكر ان فريق ينقصه 9 لاعبين اساسيين استطاع ان يسجل 3 اهداف في فريق مكتمل بنجومه .. لماذا دائما يسعون لتشويه سمعة النصر بالنغمات الحزينه .. يعني اذا ابي اتكلم في الموضوع هذا بأطول وانا اتكلم ..


* لماذا تتجاهل بعض وسائل الاعلام عشق ووفاء جماهير الشمس لهذا النادي العريق .. وحضوره الجماهيري الذي يكثر جماهير فريق الهلال في المدرجات احيانا رغم الغياب الطويل عن البطولاتـ ..


* الى النصراويين وكل من يعشق العالمي .. أن يسجل في مرماك 5 اهداف من فريق بطل الدوري ومكتمل بنجومه الاساسيين وفريقك يغيب عنه 9 لاعبيين اساسيين ومن يلعب هم من الاولمبي والرديف فلا عجب في ذلك .. ولكن العجب ان فريقك استطاع ان يسجل 3 اهداف في اخر 20 دقيقة وبمن ؟؟ من هؤلاء اللاعبين ..



*(1) الى الاشقاء الهلاليين اذا كانت على النتائج وعدد الاهداف فـ هذا الريـآآآآل يحرج أمام البرشا بـ نصف درزن من الأهداف .. ويخرج من دوري 16 للمره السادسة وعلى التوالي >> لم يتزعزع له هيبة ويبقى الريآآآل هو الريال .. ولايقاس تاريخ الفريق بعدد الاهداف ..


* ( 2) الى الاشقاء الهلاليين .. الهلال 13 سنه عقيم من البطولات من عام 1384 هـ الى عام 1397 هـ وظل متفرجا على 26 بطولة متوالية ..وكاد ان يكون في مصاف الدرجة الاولى يوما ما ..

احذروا مقولة خماسية تاريخية ,, لان التاريخ أيضا يذكرني بما ذكرت آنفا ..

الـخـتـآآآآآمـ ..




-من أراد أن يتـعلـم الـوفآآآء .. فلينظر الى جمـآآآهير الـشـمسـ ..

- اذا كنت تشجع ناديك المفضل فلا غريب في ذلك .. اما اذا كنت(( تعشق )) ناديك فأنت نصراوي ..

(( أبي عآآآقل يفكر ويقول .. الحين جماهير النصر ماهو حتى خليجيا عربيا .. الجماهير هذي واش تبي في النادي هذا اللي كم سنه ماجاب الا بطولة .. ؟؟ ماحد سأل نفسه ليش ؟؟ )) الاجابة عندكم ..