طلقتهًٌُاقالت وش اقول لهلي=قلت الحقيقه قالت اخاف يدرون

[poet font="Simplified Arabic,4,darkred,normal,normal" bkcolor="transparent" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter=""]
طلقتها ::قالت وش اقول لهلي=قلت الحقيقه قالت اخاف يدرون
اسمع عليك الله :تفكًٌُر بمهلي=اهلي اذا عرفوا: ترى الناس يدرون
تدري بما سويًٌُت وادري بفعلي=والصمت حكمه واترك السر مدفون
اللي جرى ماكان والله سهلي=فكًٌُر وش العالم بماصار يقلون
مهما جرى كنت امس بيتي وبعلي=لوصابتك شوكه غدا القلب مطعون
عنها وعن ما قالته دار وجهي=تاخذ وتعطي وحدها مثل مجنون
تسال تجاوب صرت لاهي وملهي=عنها بدنيا ثانيه صرت مرهون
--------=------------
قالت قم اسمع فكرتي قلت وش هي=قالت ورب البيت ماكنت مغبون
اقول::لهلي كان بسباب جهلي= والعيب عيبي وابن لجواد ممنون
انا بتقصيري وطبعي وفعلي= كنت السبب فيما ترونه وما دون
قلت انتي ادرى قالت الرب يدري=قلت النهايه قالت اخاف يبكون
اهلي ترى يغلون بالفعل قدري=واهلي ترى فيني حشا مايظنوًٌُن
هذي حلولي وانت لازلت بدري=عندك حلولٍِ ثانيه قلت يدرون
ماهمني هيا ارحلي ضاق صدري=قالت تفًٌُكر قلت فكرت مليون
وادعتها والدمع بالخد يجري= وابعدتها كنًٌُي لها كنت مديون
------------=------------
يومين والثالث تمنيت قبري=يوم اتذكر قولها منت مغبون
قمت اجمع اغراضي من الصبح واجري=من قبل مافيها القرايب يشدون
لقيتهم شدوامن الصبح بدري=لديارهم ياهون حالي وياهون
انا اشهد اني بعت وارخصت قدري=وانا اشهد اني بعتهم يوم يشرون
[/poet]