من مطبخ أبو مانع

أسعد الله مساء الجميع بالخير
العلم وسلامتكم
الله يحييكم كلكم على وجبتنا المعروفه المقاليب وما أدراك
مع السمن وأما العسل
للأسف باقي ما وفرت العسل
في الخطه الجايه إن شاء الله
/
من فتره طويله وأنا أقول لازم أقاطع المطاعم
أشتقنا لوجباتنا المعروفه في الديره بحكم العزوبيه وظروفها
وقررت إني أطبخ في البيت وأشتغل بنفسي
وأحضر وجباتي براحتي لراحة بطني وأعيش مرتاح البال ويبعد الخوف
من أكل المطاعم عسى الله يقطعهم
/
اتصلت على أمي الله يحفظها في الديره
وطلبتها تذمل لي ( ترسل لي ) بحب من حب الديره وأطحنه
وفعلاً ما قصرت عسى الله يبقي لي فيها ويطمن قلبي عليها كل ساعه
أرسلت لي بكيس طيب قلت لها لا تكثر لأني ما أعرف أنا وأقعد عليها
وأطبخ وأثبت ولا لا
طبعاً هذا
الطحين في الكيس



وهناا العجينه في الصينيه بعد ما أنخمرت ليلة من ليل البارح


وهذا التحضير على القز قولو ماشاء الله عيد ويهكم


وفي الصوره هذه المقدم


وهذه الوجبه بالعافيه على قلبي وقلوبكم
واللي وده بوجبة مثلها فالله يحييييييه تحية السيل لا يرده إلا بيتي
مرحباً به الفيييييين ..



والله يسهل أمر كل عزوبي ويجيب الفارسه اللي تثبت في البيت
ولا تدققون في البراد لأني أحب الأشياء التراثيه القديمه وكمان المقدم من التشكيل
اللي تخبرون زمان..!
وبعدين مدري هم البنات يثبتون مثل هذه ولا مالهم حيل..!
وسلامتكم يالغالين على قلبي!