جديد المبدع////ناصرالاحمري

حلال القوم

طاري وجاري والعلوم علـوم
والدرب واحد والهـدف قـدّام
ما يكسب الطاله ضعيف عزوم
ما يكسب الطاله سـوى مقـدام
والناس ذا مْعطى وذا محـروم
مهما أجتهد راعي العزوم ورام
والله ما ياخذ سـوى المقسـوم
اللي قسم له ربّ حـام وسـام
آمنت بـك ياحـيّ يـا قيّـوم
ياربّ ثبتنـي علـى الإسـلام
ماني عن دروب الخطا معصوم
ياكـم ذنـوبً فدتهـا وآثــام
والنفـس لوّامـه ويكفـي لـوم
وأنـا هنـا المليـوم واللـوّام
ياما رقيـت النايـف المزمـوم
وياما سريت من اليمن للشـام
مدري غلبت الفرس والاّ الروم
والاّ غلبـت الفنـس والأقـزام
بس الوكاد إني فرقـت السـوم
وريّحت من بعدي ميـة سـوّام
واليوم ياغبنـي علـيّ اليـوم
اللـي جمعتـه بثتـه الأيــام
بين أمس ياراسي وصح النـوم
قضّيـت ليلـي والعبـاد نيـام
ما خفت لايسري بي الجاثـوم
الخوف قام وطاح طـاح وقـام
آقـوم والاّ آنـوم والاّ آقــوم
الحزن واقع والسرور أحـلام !
مرحوم يا حلم الشقي مرحـوم
بعدك ترى أحلام الحياه أيتـام
أسمع وأشوف وماني بملـزوم
أسمع وأشوف وكلبوها أوهـام
هناك حرب أسما وحرب نجوم
وهنا رصاص وقنبلـه وألغـام
صكات وأحداث الزمن بالكـوم
ويروح كـوم ويقتفيـه أكـوام
الضيف يقلط والعـدو ملطـوم
والكفو له صدقان وإله أخصـام
عنده حروفً ظاهـره ورقـوم
ماضاع بين أحرف وبين أرقام
واللي يقول إن الأمـل معـدوم
صدّر على دنياه حكـم إعـدام
وجهة نظر هي والحقيقه تـوم
وقبولهـا ماهـو عليـه إلـزام
أن قلتهـا لعتبـان والاّ بقـوم
لابد تاصـل لقْحطـان ويـام !
تركض من الدمـام للخرطـوم
وتزحف من الخرطوم للدمـام
تجارب الرجّال مشـي وعـوم
ماهي تجارب راعـي ولحّـام
عمْره ودمْره وأوديـه ورجـوم
وكهوف وقصور وخلا وخيـام
وروحه وجيّه وإختلاف قسـوم
ماهي بكبْر أسما وكبْر أجسـام
ياكـم بخيـلً يامـر ومخـدوم
وياكم كريـمً مـا معـه خـدّام
وياكم فقيرً فـي اللقـا شغمـوم
وياكـم غنـيً مايشـد حـزام
وياكم منادين لصـلاه وصـوم
وهـم لا مصلّيـنً ولا بصيـام
وكم منتصر شفنا وكم مهـزوم
وكم منصحً نسمع وكـم نمّـام
وكم دالهً سالـي وكـم مهمـوم
وكم يضحك حجاج وتعَضّ إبهام
وكم داخلك يالسجن من مظلـوم
رفيـع راس وداستـه الأقـدام
وكم حايمً لو هو يجيـد الحـوم
وقّع على راسه بعد مـا حـام
دوله وحكم وحاكـم ومحكـوم
وكم مات محكومين يـا حكّـام
هذي الحياه أحيان حبّ خشـوم
وأحيان لا والله كسـر عظـام
مع إن تالـي وقتنـا مضيـوم
والوقت مهما صار مـا ينـلاّم
أوامـرً بكتـابـة ً ورســوم
ولا لهـا كاتـب ولا رسّـام !
جات العجايب ما عليها هـدوم
ويكفي عن التفصيل روس أقلام
العود يَرْبَـع والولـد مسمـوم
والبنت مدري والعجوز وحام !
جيل الشيوخ اللي بدون ختـوم
ساق الشيوخ اللي تشلّ أختـام
والقصد والغايه حـلال القـوم
لكن حلال القوم راح أقسـام !
هذا الصحيح وفي العلوم علـوم
والعلم شـاره والسـلام ختـام

واللي يقول إن الأمـل معـدوم
صدّر على دنياه حكـم إعـدام

الله ... الله

سلمت يمينك على نقل هذه الرائعة لنا الى هنا ...

وصح لسانك يالأحمري ولا هنت لا هنت يا سنايدي ..

قصيدة وافية من شاعر وافي ...

الغالبي 909

تقديري لك

جبرني يعطيك الف عافيه على تشريف القصيدة يالغالي
تحياااااتي للمبدعين

الغالبي


سسلمت يمينك لا هنت يا غالي