وينك يابوليلى المهلهل؟؟

يابو ليلى المهلهل من زمان(ن) طويل
وانا ادور عليك وما لقيت الاثر
===========
وانشد الناس عنك وقالوا انك عليل
ياعسى ماخلاف ومايجيك الخطر

اسمح لي بالرد الي يجي ابوليلى............

مرحبا مرحبا بك يالمليك الضليل
كل ضيف يلاقي المكرمه والقدر
====================
طال ليلك مع الشعار والليل ليل
اصبر اصبر الى طالت دروب السفر

أمرؤ القيس أبن أبان والشاعر الشيباني

يعطيكم العافيه على الدرر الرائعه
وأسمحوا لي أجاريكم بهذه المشاركه :

أمرؤ القيس رحال(ن) وتاجر جليل
الله كم من بلاد(ن) من وسطها عبر
===================
مايـدور لعــراف وينشـــد دليـــــــل
وآنا من سيرته خذت الحكــم والعبر

خلووووووووووووووووووووووووووووووووووها

مرحبا مرحبا ياصاحبن مايميل
من يدور لبو ليلى يحصل خبر

اول الغيث قطرهـ مابعد سال سيل
ياحليل الذي في السيل طاح و عثر
...........................
معليش على التأخير..
ولاهنت يالشيباني وبن خشيل

امرؤ القيس +الشيباني + بن خشيل + ابوليلى المهلهل
صح الله السنتكم جميعاً
شعراء مبدعين ومحاوره تستحق المتابعة
تقبلوا مروري ولكم كل التقدير

أشكر الجميع عالمرور والمشاركة.......

يالشيباني هلا بك وارحب يابن خشيل
تو ماطاب ليل المنتدى والسمر
===========
خلو الزير سالم بين رأس وذيل
حن نعدّيه ولا نوقّفه مايمر

ويل حالي على ترحيبنا ذا قبيل
العرب ماتساووا في بلوغ القدر
___________
وابوليلى طويل ذراع عساف خيل
انتبه لاتوقع وسط موت ـن حمــــــر

حذاري محاوره من الطراااز العاالي......
امرؤ القيس وابو ليلى الله يقويكم..........حن متابعين....ونشوف النهايه لمن.......
اما للمرؤ القيس...الي يقول خلوا الزير سالم بين رالس وذيل
حن نعديه ولا نوقفه ما يمر

واما لبو ليلى... الي يقول ابو ليلى طويل ذراع عساف خيل
انتبه لا توقع وسط موت حمر

نكرم الضيف وانقهويه بن ــن وهيل
والعرب تعرف الوراد واللي صدر
===========
يعسف الخيل ذا السياس صبح ــن وليل
لكن من فوق سرجه طاح عشر وظهر

الشيباني ....

أنت رئيس لجنة التحكيم في المحاوره بين ..أمرؤالقيس .. والمهلهل
وأنا مساعدك ولو ان ماعليك زود

انت خيل ـن اصيله تنعرف بالصهيل
والاصايل تسيس في صباح وظهر
_____________
بندقي يوم ثارت خاف منها الهبيل
وانت رجال صابر ماتهاب الغدر

فرّرق بين الاصايل والفرس ياحسيل
وارتقي دامني في منتدى ابني عمر
===============
والله لو كان لك بندق ونارــن وكيل
ان راسك موطا وعينك المنكسر

للحديث بقيه
ولكن نكمل يوم غد باذن الله

خلوووووووووووووووووووووووووووووووووها

اشكركـ ياصحيبي عالكلام الجمـــــــــيل
ورد اللي بصدرك دامكـ المنقـــــــــهر
__________
انا شعري به اوزان ـن وهرج ـن نبيل
اترفع بشعري عن غلط ذا البـــــــــــشر

يا شعااااااار هدو اللعب تو الليل
والشاعر يكون له نفس طويل ...ما يصلح تنهونها بدري
وبعدين ترفعوا عن بعض الامور...

لا يجي يالرفاقه فيها حق ونكيل
انتو اصحاب مانتو في طريق الشرر