امرؤ القيس وعلي بن حمري

بسم الله الرحمن الرحيم

هذه قصيدة للشاعر علي بن حمري
ولقد جاريته على قصيدته بالوزن والقافية
بن حمري:
لا حول ماعاد به رفقه ولا خوه
الاوادم اخلاقها شانت وخوتها

من أول الطيب يغلب منطق القوة
واليوم عن طيبها استغنت بقوتها

واللي بلا وقع لو تهوي به الهوه
ماشاف طيب العرب ولا عنوتها

تسوقنا شيمة(ن) للناس وامروه
والواجبه لو تتعب مانفوتها

ولا تدفي الفتى ضون ماهي ضوه
ينبيك براقها عن كبر نوتها
===============================
اما الرد أو المجاراه فقلت فيها:

اي والله ماعاد به رفقه ولا خوه
ضاعت سلوم العرب ضاعت مروتها

واصبر ترى وقتنا ياصاحبي توه
بتشوف عينيك مايهل دمعتها

الانسان يحذر خويه ويامن اعدوه
لأن العدا واثقينن في عداوتها

خوي يبور ابخوي ويزيد في سوه
ناس(ن) غزتنا ولا نعرف هويتها

عطشان في ديرة(ن) تشكي من القسوه
يالله تهون على أهل الدار قسوتها

امرؤ القيس

صح الله لسانك على هذه المجارة للشاعر الرمز وراية الشعر / علي بن حمري ...

وبكل شوق ننتظر جديدك وكل ما لديك من إبداع

وتم نقل القصيدة من قبلي إلى هنا لملائمتها للمكان المنقولة إليه ....



إحترامي

ارررررحب يا امرؤ القيس

صح الله لسان ابو فواز

وصح الله لسااانك

مجاراة جزلة ووافيه

تقبل اصدق الود

سيـــــــــــــــــــــــــــــــ العرب ـــــــــــــــــــــــــــف

صح لساااااااااانك يا مبدع وبيض الله وجهك


وننتظر جديدك وجميل ما عندك وبكل شوق

لكلماتك دوما صدى
من نوع مختلف
ولرحيق حروفك نكهة مميزة
فشكرا أن خالجت الفؤاد
بهذه الخاطرة الجميلة كجمال روحك
فمثلك نهر لا يجف ماؤه ..
وحروفك زهر لا نمل إشتمامه ..
ولاتحرمنا ابداعاتك الرائعة
لك مني باقات الورد والريحان

صحــــ لسانكـ يابو محمد
انا اشهد انكـ وافي
تحياتي....