قصيده مؤثره عن الام اهديها خاصه لماما

مرحبااا بالجميع ..
هالقصيدة للشاعر الحميدي الشمري ..
انشدت 4 أبيات منها بصوووتي علها أن ترتقي لذائقتكم ..
وأخذ رأيكم فيها حتى اتمكن من اكمل البقية ..

اضغط الرابط وانتظر العد التنازلي .. ثم التحميل

http://mzh100.net/up/download.php?fi...e0b726da24.wav

كلمات القصيدة كامله ..

خايف عليها من الثرى غطاها .. والا الحصى حافيه اخاف اذاها
اكرم عليها بالكفن يا مطوع .. بالبيت ضل فراشها وغطاها
اكرم عليها بالكفن هذي امي .. و اشهد عليها بما عطت يمناها
هذي الضحى والليل يتحرونه .. هذي السماء و نجومها تنعاها
هذي السوالف مثلنا تبكيها ... والارض تنشد عن اثر لخطاها
هذي الكبيره كبر هذي الدنيا ... هذي العظيمه جل من سواها
ابكي عليها مو نهار و ليله ... و لا سنه تمشي واعد قضاها
ابكي عليها كثر ما شالتني ... و كثر الحنين اللي اختلط بغناها
وكثرالأسامي و كثرمن سموها... و كثرالنجوم و كثرمن يرعاها
ابكي عليها من القهر يا دنيا ... من لي انا من لي عقب فرقاها
من فتحت عيني و لا خلتني ... شوفوا ولدها بالقبر خلاها
هل التراب بوجهها ما قصر .. شفتوا ولدها كيف هو جازاها
لوها مكاني كان ما سوتها ... لاكن اعز عيالها سواها
يا الدود شفها ذابله جنّبها .. انا ولدها و حاضر وافداها
قطعني هاك اللي تبي من جسمي ... بس الكريمه لا تجي بحذاها
و وصيك أمانه قل لها تعذرني .. و تكفى تروح تحب لي ماطاها
ابيها تغفر لي مثل ما كانت .. كل خمله مني بطيبها ترفاها
يالله عساها بالنعيم الخالد ... و عساها في جنة عدن سكناها
يا فضو هذا الكون يا هو خالي ... يا ضيق هذي الدنيا يا مقساها
يا مر طعم فراقها يا مره ... ماني مصدق ارجع ومالقاها
وشلون اجي غرفتها وما هي فيها... وش عذري لسبحتهاومصلاها
شقول انا لدولابها وشنطتها ... واذا سألني مشطها وحناها
وعباتها ومي زمزم ومصحفها ... والمبخره ورشوشها ودواها
الكل في غرفتها متفقدها ... حتى الجدار مفطّر و يرجاها
الكل يبكيها مهو ناسيها .... يالله صبرني و شلون انساها
ياليتها ماراحت و خلتني ... او وسعت لي بالقبر وياها

هذه القصيده بذات اهديها لماما خاصة ولجميع الامهات عامة واقول يارب يرزقني برك ياماماياغلى ماما واروع ماما واغلى من نظر عيني اهديك هالقصيده لما تفتحي هالمنتدى تقرايها من بنتك شيهانه الشهري لاروع ام على وجه الارض واقول عساني فدوه لرجولك ياماما ااااااحبك

الله يحفظ لك امك ويخليها لك

وصراحه ابيات في قمه الروعه والحزن

ابيات في فقد الام عسى الله لا يذوقكم فقدانها


ودي

اللهم ارزقنا بر امهاتنا يارب


شيهانه قصيدة جميله بها من المعاني الكثير


بحق لا عدمناااك .