ليه رحت ؟!

ليه رحت..؟!
العتب ماهو زعل..لو ضايقك كثر إنفعالي
وأنت لو ازعل على كل البشر..ما ازعل عليك
بس لاطال الغياب..وضاقت صدور الليالي
سقت لك ماجا على البال وتحمل مايجيك
يوم شفت الكون كنه في غيابك شبه خالي
صحت في وجه الزمن وقلت(فيك)..وقلت(فيك)
ضاقت وساع الفجوج بعيني وزاد إنشغالي
وين رحت؟!..وليه رحت؟!..ولا متى وأنا احتريك؟!
كنت ادور في عيون الناس إجابات لسؤالي
يمكن أعرف وين رحت؟! وليه رحت؟! وكيف اجيك؟!
كنت اقول لكل شارع ماوطتك أقدام غالي؟!
من كثر ماكنت ابي وصلك..وابي قربك..وابيك
كنت عنك اسأل نسيم الصبح لامر متعالي
ماحمل يمي على دربه جواب من يديك؟!
وامتلا صدري عتب وأنت السبب في ماجرالي
ومن بعد هول التعب..جيت اشتكي لك واشتكيك
تدري إنك كل عشقي..وإن غيرك ماطرالي
وانك بقلبي لحالك وإن مالك به شريك
وان قلبي لوتفجر بالعتب وقت إنفعالي
زاعل منك..وغيابك مايزعلني عليك...