المرجله لا صارت هياط وشعـر مـا عـاد ابيهـا لعنبوهـا مرجلـه

احضّـرك واتلـوا عليـك البسملـه
والفاتحـه والغاشـيـه والزلـزلـه

واعلّمـك وش الحديـث المنطقـي
من شان تعرف كل شـي ٍ تجهلـه

خدمه .. بقدمها بـلا شـرط وثمـن
يا صاحب آفـاق الخيـال الممحلـه

وماهيب من بـاب المـوّده والغـلا
لكّن من بـاب احتـواء البلبلـه !!

كنت احسب ان سود الليالي ربّتـك
واثرك على نفـس العلـوم الاولـه

موّسـوس وحالتـك حالـه مزريـه
الحلـم قدامـك وعاجـز تاصـلـه

على مدار العام مـن قـل الثقـه :
بينك وبين الشـك والريبـه صلـه

ذكائك المزعوم حاجـه مؤسفـه !!
تضحك علـى تفكيـرك وتستغفلـه

سويت نفسك فاهم الوضـع وذكـي
وكليتها يا بـو الشبـاب مفلفلـه !!

ما احد ٍ جبرك تضيع وسط المعمعه
وتستصعب الموقـف ولا تستسهلـه

القصد واضـح والمعانـي واضحـه
ليه اتمادى فـي الحكـي وتؤّلـه ؟

طويق ثابت والجبـل يبقـى جبـل
فلنعتبـر هــذا ســؤال وعلله ؟!

شفت ان مالك بالثقـه موطـأ قـدم
كـب الغـرور المفتعـل ولاّ اقتلـه

وان عوّدت نهـج وقناعـات وفكـر
الاجوبه ترضـي غـرور الاسألـه

المرجله لا صارت هياط وشعـر
مـا عـاد ابيهـا لعنبوهـا مرجلـه

وان كانهـا مواقـف وقـول وفعـل
ماعندي الا : تـم وابشـر وازهلـه

خذ لك نصيحه كانت تسـام بجمـل
يا مسيلمه او بالاصح يا عبهلـه !!

لا عاد تخطب في شبـاب المجتمـع
ريّح .. وخل الدين والنصـح لهلـه

ولا عاد تشهد زور فارجـاء البلـد
وتبقى كذا مـن مرحلـه لا مرحلـه

حتى ابليس بيستحي من كذبتـك !!
من كبرها ما هيب من ضمن عملـه

واليا بغيـت الجـد سجّـل مايلـي
واستحملـه واستوعـبـه واتقبـلـه

ماهوب عيب انـك تغيّـر منهجـك
العيـب وانـواع الخطـا والمهزلـه

انـك تجـي كلـك وتستنقـد فئـه
على فعل وانت اول اللـي يفعلـه !!

راجـع حساباتـك وفكّـر واتعـض
واضرب على نفسك جميع الامثلـه

ان كان ما انت بكلهـا مثَـل مثَـل
مـاوالله اقـول الشعـر واسترسلـه

خلاصة الموضوع كله ( من - إلى )
بيت ٍ يوضح لك غموض المسألـه :

أنا .. لو اني مـا لعبـت بحسبتـك
ما كان يسبب لك قصيدي مشكله !!





( محمد جار الله السهلي )

ابو ليلى المهلهل


روعه جعلى ربي يحفظك ولا يحرمنا منك

لا عدمناااك ياغالي .

عمري ولا احد قدي ..
جعلك تسلم... لاهنت لاهنت

القصيدة مايبيلها نشدت شيخ قمـــة

لاكن موب ملاحظ يالمهلهل ان كثرة قوة الفاظها افقدتها شيء من الجمال؟
يعطيك العاافية ياصقيقيـ..
تقبل مروري(:

اررررررررررحب يا ابو ليلى

يعطيك الف عافيه

وسلم ذوقك الراقــــــــــــــي والله

تقبل شديد اعجابي بما أوردت

تحياتي وتقديري

سيــــــــــــ العرب ــــــــــــــــف

المشاركة الأصلية كتبت بواسطة خالد البقمي

القصيدة مايبيلها نشدت شيخ قمـــة

لاكن موب ملاحظ يالمهلهل ان كثرة قوة الفاظها افقدتها شيء من الجمال؟
يعطيك العاافية ياصقيقيـ..
تقبل مروري(:

كلك نظر يابو خلووود
واشكرك على المرور المشرف ياصقيقي

المشاركة الأصلية كتبت بواسطة سيــف العرب

اررررررررررحب يا ابو ليلى

يعطيك الف عافيه

وسلم ذوقك الراقــــــــــــــي والله

تقبل شديد اعجابي بما أوردت

تحياتي وتقديري

سيــــــــــــ العرب ــــــــــــــــف

اررررررررررررحب انت..

لاهنت لاهنت لاهنت