بيارق ..... رجال الحجر .......(الهيلا)

اخواني في منتديات بني عمرو
السلام عليكم ورحمة الله وبركاته
هذه قصيده قويه جداً اعجبتني لأن فيها كلام طيب ويرفع الراس عن بني عمرو ورجال الحجر كلهم وهي للشاعر الأجدل واعتقد انه اسمري حسب ما ورد في القصيده اتمنى ان يعجبكم ما نقلته لكم

1. يالله يا خالق الدنيا وعالمها=يا من تلوذ البشر بإسمك ورحماني
2. اجزلت للخلق بأفضالك وراحمها=واسقيت طور الحجاز بعذب الامزاني
3. تدلني للقدى عن لوم لايمها=ولا تجعل المخطيه نهجي وميزاني
4. اطلبك يا عالم النيّه وفاهمها=تقبل صلاتي وتخزي كل شيطاني
5. ثبّت حروفي على الجزله وداومها=واجعل سمين القوافي منطق الساني
6. بيارق المجد والتاريخ حاشمها=سلام يغشى قبايل تاج الاوطاني
7. تسليمةٍ تقضي الحاجه ولازمها=على بني عمي الوافين واخواني
8. دعوى المهابه رجال الحَجْْر زاهمها=ابناء ربيعه وريث الحَجْْر تيجاني
9. منضومة الازد ما تخفى معالمها=اربع قبايل تنومس كلّ ميداني
10 من رهو كرّ النقا تبدأ عواصمها=حتى قرى مسفره وحدود شهراني
11 اسلافهم لقمة الشيمه تقاسمها=اخوان وابناء عمومه لي وجيراني
12 يشهد لهم فاطر الذمّه وصايمها=والله يشهد ويشهد كلّ وجداني
13 صقرٍ محلّق نظرعينه تهايمها=والبدو والقرو له مخلب وجنحاني
14 سفينةٍ بالغلا تبحر طواقمها=العزّ حملاتها والحق رُباني
15 الدين لله وابن سعود حاكمها=في ظل عبدالله الوافي وسلطاني
16 حفظو حظاراتها وارسو دعايمها=حتى غدت جوهره بأسوق مرجاني
17 في عهدهم دارنا تضحك مباسمها=واصبح غلاهم يدوج بكلّ ّشرياني
18 ابدا بربعي وقيفي في مقادمها =بللسمر اهل الكرم للضيف والعاني
19 ربع العزاوي ليا حامت حوايمها=هم تاج راسي والأجدل طير حوراني
20 وبل الثميدي صفوفه في محازمها=زاهب لمن غرّته نفسه بعدواني
21 تاريخهم بان ذكره في ملاحمها=بأعلى النوايف لهم رايه ونيشاني
22 بانت على خدّة العادي مياسمها=تاريخ بيّن مع حجه وبرهاني
23 على خطا علقمه تمشي عزايمها=صاحب رسول الهدى من نسل عدناني
24 يا من جهل صيتها تابع معاجمها=تروى بحيضانها وتبات ضمياني
25 والشنفري ابن الاواس ابرز علايمها=اسطورة الدهر في تاريخ الازماني
26 اللابة اللي ثمار البُر رزايمها=الله عطاها جليل الملك والشاني
27 الضيف والجار يشبع من ولايمها=تلقى العسل عندهم والسمن غدراني
28 وبني شهر قلعةٍ تفخر بأوادمها=نعم الرفاقه وساع الجال عرباني
29 جنبيةٍ في العدى ترعى صوارمها=سلاّتها اشبيليه والصبّ دوجاني
30 العلم والفن والتفكير عالَمها =بستان غرس الشهامه لدن الاغصاني
31 مثل الرعود القواصف في مرازمها=مابين تهم وحجاز وبين بدواني
32 لهم مكانه وهيبه ما يزاحمها=على مكان الزعامه واحدٍ ثاني
33 الموت للي نوى فكره يصادمها=بحدب الخناجر وحدّ السيف شاماني
34 في جوّها ما يبان إلا هياثمها=والارض تهتز زلزالٍ وبركاني
35 الخير تشبث على فعله قواضمها=والعدل يبقى سمة غالين الاثماني
36 تاريخ الامجاد يقرا في ملازمها=يعرف تواريخها القاصي مع الداني
37 على صكوك الشرف دمغات خاتمها=شرح الذرابه عليها اشكال والواني
38 وبللحمر الوافيه نذكر مكارمها=حصن الجنوب الحصين ولبس الابداني
39 ريح الشجاعه ليا هبّت مواسمها=ما تنطح إلا قروم ونسل شجعاني
40 مخزون قصر الطلاقه من نعايمها=زوّار بابه مطاريشٍ وضيفاني
41 الجود والعز مدرج في قوايمها=صبيان بللحمر اليا قيل صبياني
40 تبقى مزاعم هل الطاله مزاعمها=من زاغ عن ما تريده شاف عزراني
43 كلٍ يبي عزوة القاله يلايمها=ويسير دربٍ مشت به حمر الاعياني
44 سيل المراجل وبرّاقه يداهمها=من مزنةٍ ساقها هملول وداني
45 انبت نبات الوفا من عذب غايمها=واسقى ديار الغلا وبيوت صدقاني
46 تروى نحور النشاما من كظايمها=والعد يبقى من الماجوب ملياني
47 صوت البنادق تماريبه مراسمها=من صنعة الروس والبلجيك والماني
48 وابني عمر لابةٍ نعرف وسايمها=درع الشمال إن حصل للوقت ميلاني
49 قبيلةٍ شامخه بيضٍ عمايمها=احفاد عَمر ابن حجر القايد الباني
50 يوم الوغى والحمى ماني بظالمها=العزوة اللي لها بقلوبنا شاني
51 عقد النواميس تشهد به معاصمها= تاريخها للطواحن يوم ما لاني
52 عادة هل المرت ما تقطع نسايمها=اصغر وليده نهار الشان قوماني
53 الاتراك ذاقت على ايديهم هزايمها=ما سلم من حاميتهم ريح عثماني
54 في ساحة الملحمه دُفنت رمايمها=وقدّموها لطير البَر قرباني
55 ما باقي إلا عضامٍ من جماجمها=ولاّ رفاتٍ عليها صلو نيراني
56 مثل المشهايب حاقتهم مراجمها=صبيان عمرين شبّانٍ وشيباني
57 يخسر لسانه وكفّه من يهاجمها=يا كم وياكم عطيبٍ عاد خسراني
58 يقولها شاعر الموقف وخادمها=والمعذره لو حصل بالعلم نقصاني
59 يالله عساها تجمّل حرف ناظمها=قصيدةٍ نظمها من حبر قيفاني
60بالله بدينا وبسم الله خواتمها=وصلاة ربي على من دينه ارواني